"Asosiasaun Defisiénsia Timor-Leste (ADTL) nia ema ne'ebé asesu ba UNTL iha mane 7 no feto 7," dehan nia ba Online INDEPENDENTE iha knaar ADTL Maskarinhas, segunda (24/01).
Nia klarifika katak ADTL mak atende de’it dokumentus, tanba ADTL laiha fundus atu selu sira nia eskola maibé liu husi inan-aman mak selu sira oan nia eskola.
"Ami iha kanal ida ne'e halo parseiru ho ensinu superior hodi asesu de’it ba UNTL, iha mós instituisaun seluk no ami sei loke diskrisaun hodi ema ho Defisiensia atu asesu ba IOB," dehan nia.
Tanba ne'e, iha tinan kotuk ADTL asina ona akordu ho IOB bele loke dalan ba ema ho defisiensia bele asesu.
"Ha'u rekomenda Ministériu Ensinu Superior Siensia no Kultura (MESSK) tau planu ba universitariu hotu-hotu iha timor laran tomak, loke asesu sesibilidade kompletu atu nune'e ema ho defisiensia bele asesu mos iha universitariu publiku no privadu sira,"tenik nia.
Tanba ema ho defisiensia hakarak asesu ba universidade, maibé sira mós haree sira nia fasilidade ne'ebé ema ho defesiensia fiziku presiza fatin dignu no odamatan luan no sala ne'ebé ho sensibilidade hodi nune'e bele asesu.
Entretantu ema ho Difesiensia presiza letra braille no software ne'ebé agora dadaun sira presiza hanesan telefone no komputadór bele asesu ba informasaun ka materia sira iha universidade.
Entretantu, tuir dadus total ema ho defisiénsia neebé asesu ba UNTL, hahú iha tinan 2018 to’o 2021 hamutuk na’in 47.
