Vise Ministra Finansas, Felicia Claudinanda da Cruz Carvalho informa, Ministériu Finansas liu husi prosesu leilaun bá viaturas estadu nian ne'e, aleinde ho Objetivu sira atu kontinua halo redusaun no poupansa bá kustu operasional estadu ne'ebé tina-tinan tendensia iha liu-liu ba kustu manutensaun reparasaun no kombustivel nian.
"Despeza ne'ebé ita kategoria hanesan kustu konsumurais hodi la Kontribui bá Investimentu iha setór prioritáris sira hanesan Setór Produtivu no Setór Kapitál sira mezmu Karreta Estadu hanesan fasilidade importante atu apoiu serbisu ninian," dehan nia hafoin partisipa abertura loke rekerementu leilaun iha Salaun Kobi House Patrimóniu Estadu Balide, Kinta (28/12).
Nia afirma, Dadus husi levantamentu Veíkulu estadu ba vokal husi 2019 to'o 2022 iha Ministériu Finansas liu husi Diresaun Jerál Jestaun Patrimóniu Estadu hala'o hatudu númeru Karreta estadu ne'ebé sakrifika tebes.
"Hanesan ita boot sira rona tiha ona viaturas ho motor tinan-tinan kontinua aumenta ho ninia efeitus multiplikativa bá despeza sira tantu manutensaun, reparasaun no mós kombustivel husi dadus refere hatudu hahu husi 2002 to'o 2022 Governu hasai ona despezas ho totál $125 milioens ba númeru Karreta hamutuk 3.415 unidade," nia dehan.
Nia hatutan, husi númeru viaturas Estadu ida ne'e ho ninia kustu poupara assosiadu iha mós kustu Adisional iha períodu hanesan hamosu kustu operasional purvolta $257 milioens.
Nune'e ho komitmentu Governu da-sia nia komitmentu Politiku Jestaun frota liu husi Dekretu Lei númeru 80/2022 regulamentu Veíkulu Estadu sei sai matadalan ida atu promulga efisiensia iha despeza no efetividade iha utilizasaun Veíkulu estadu nian.
"Despeza ne'ebé ha'u mensiona ona halo kauza Setór prioritaria sira ladún hetan atendimentu ho di'ak, tanba Governu la iha limitasaun kustu finanseira hodi sustenta Dezenvolvimentu iha ita nia rain," nia salienta.
Tan ne'e ho polítika Governu da-sia nian kontinua halo rasionalizasaun no efisiensia ba gastus sira hodi meilora di'ak liu tan alokasaun orsamentu ba alvu ne'ebé klaru no prioritaria.
Jestaun bá rekursus Estadu nian tenke kontinua halo ho rigor efetivu no efisiente hodi nafatin iha espasu bá poupansa no deslikasaun rekursus sira nune'e objetivu Estadu nian bele bele atinje liu husi alokasaun orsamentu tuir porsaun bá atividade no Atividade sira.
Governu da-sia iha Komité Revizaun Orsamentu (KRO) introdus ona polítika sentralizasaun imparsial ida kona-ba manutensaun reparasaun bá Veíkulu Estadu nian Polítika ida ne'ebé introdus atu promove kualidade manutensaun partikularmente atu iha efisiensia no rasionalizasaun despezas ba manutensaun no represaun.
Nune'e Ministériu Finansas kontinua enkoraja bá liña Ministériais no Instituisoens Estadu no serbisu otonomu atu kontinua koopera jere no kontrolu utilizasaun Veíkulu estadu iha forma ne'ebé adekuadu no tuir duni prosedimentu sira estabilizadu.
"Jestaun Patrimóniu Estadu nu'udar responsabilidade ita hotu nian atu jere, utiliza no kontrolu atu labele fó prezuiju bá estadu liu-liu ba despezas sira," nia dehan.
Nune'e ho Komisaun interministerial ne'ebé estabelese bá retoma Jestaun finanseiru Públiku no Komisaun bá reforma jestaun Patrimóniu Estadu sei hatudu komitmentu ida atu konsentra bá mudansa sira iha Jestaun Patrimóniu Estadu nian.
Jestaun ida ne'e tenke halo prudente liu tan iha aspetu Inventarizasaun bá Patrimóniu Estadu hotu, jestaun ida ne'e tenke konsentra bá valorizasaun hodi iha totalidade ida regular liu husi Relatoriu konta jerál Parlamentu Nasional nu'udar órgaun fiskalizador iha nasaun ida ne'e.
