Sekretariu Estadu Terras no Propriedade, Jaime Ximenes hatete, Prezidente Repúblika promulga ona lei númeru 13/2017 kona-ba direitu ba rai.

"Maibe ita presiza rezime espesial ida hodi difine loloos ba lei atu nune'e ita mós bele fó ba ita-nia komunidade sira, bainhira ita fo sertidaun ba ema ida, nia tenke selu taxa ba estadu," dehan Jaime iha nia knar-fatin, Kinta (28/12).

Taxa ne’e, nia dehan, selu bazeia ba rai ne’e nia luan.

“Ida ne'e ita presiza lei ida atu nune'e, governu halo kadastrais ida, ne'e duni komunidade sira ne'ebé hetan titulu ba rai ne'e mós selu taxa ba estadu," nia afirma.

Nia hatutan, governu sukat rai la selu ona maibé governu mós bele haree ba mekanismu seluk mak selu taxa ba governu hodi selu fali ba osan ne'ebe governu gasta ba sukat rai.

“Ho hanoin ida katak osan uitoan-uitoan tama ba kofre estadu, ida ne'e mak planu prioridade ba nono governu nian ba 2024,” nia informa.