Xefe Suku Komoro, Elegio José Marçal hatete, Autoridade lokal hamutuk ho Ministériu Justisa liu husi Sekretaria Estadu Terrasno Propriedade (SETP) no Ministériu Obres Públika (MOP) hala'o ona enkontru hodi buka solusaun ba komunidade sira ne'ebé hela iha Tasi-tolu maibé seidauk iha solusaun.
Maibé iha loron ualo (8) fulan-Agustu tinan ne'e, SETP kontaktu fali autoriedade sira hamutuk ho komunidade sira hodi rezolve fali kona-ba pagamentu ne'ebé governu liu husi MOP atu fó ba komunidade sira.
"Ami hamutuk ho Terras Propriedade no Ministériu obras públika sira ADN la mai maibé sira delega obras uha ne'ebá mai enkontru seidauk iha solusaun diak oriseik teras telefone fali autoriedade pois ha'u haruka sira ba fali komunidade sira iha ne'ebá rezolve ona kona-ba nia pagamentu," Dehan Xefe Suku ba Jornalista INDEPEDENTE iha Tasi-tolu, Sesta (09/08).
Xefe Suku esplika, iha loron hanesan, SETP ho MOP haruka kedas dokomentu ne'ebé asina ona ba autoriedade Munispiu Dili no Xefe suku hodi entrega ba komunidade sira nune’e komunidade sira ba hasoru Obra Públika hodi hare konaba ba osan ne'ebé atu halo pagamentu ba sira tuir kondisaun uma ida-idak nian.
"Entaun horiseik lorokraik Terras ho Obras haruka ona dokumentus ne'ebé sira asina ona iha ne’ebá ne'e lori mai autoriedade asina pois Xefe Suku asina lori mai komunidade sira entau sira sei hasoru malu ho obras iha raikotu atu hare konaba sira nia osan ne'ebé termina tiha ona tuir uma ida-idak nia kondisaun," nia afirma.
Nia haktuir komunidade uma-kain 11 ne'e kopera tebes ho governu, no tuir observasaun xefe suku nia katak komunidade balun hahú ona sobu sira nia uma.
Nune’e, SEATOU mos husu mos husu ba Xefe Suku atu haka’as komunidade sira sobu lalais sira-nia uma, tanba iha loron tersa-feira 13 Agustu mákina hahu ona sobu moru sira ne'ebé iha.
Enkuantu, tuir konkordansia entre komunidade ho governu katak osan ne'ebé atu halo pagamentu ba komunidade tuir kondisaun uma nia hanesan provozoriu, semi-permante no permanente.
No osan ne'ebé atu halo pagamentu ba komunidade uma-kain 11, ho montante kiik liu mak rihun $2 no boot liu mak rihun $17.