Komandante Jerál PNTL Komisáriu Jerál Polisia, Henrique da Costa, hateten, membru PNTL Na'in-7 ne'e, tuir ona selesaun internal PNTL, Edukasaun no Saúde nian. Nune’e, sei haruka ba universidade hafoin sira priénxe duni rekezitu, sira sei simu membru na'in-7 ne'ebé mak preparadu ona.
"Membru na'in 6 sei aranka ba Surabaya iha loron 11 Agostu 2024 no membru primeiru ajente ida seluk sei aranka ba Japaun iha loron 03 Setembru tinan ne’e," informa Henrique ba jornálista sira, hafoin remata serimónia iha salaun UPM, Lisidere, (07/08).
Nia haktuir, Komandu PNTL tenke hahú investe agora rekursu, nune’e bainhira membru Polísia hirak ne’e ramata sira nia estudu no fila mai bele dezenvolve instituisaun PNTL ho di'ak.
Vaga ida ne'e ita loke oportunidade ba membru PNTL hotu, maibé iha selesaun sira nain 7 mak liu, iha etapaida ne'e kontinua hala'o sira nia estudu Mastradu iha Surabaya -japaun no sira seluk ita nafatin fo oportunidade tuir mai, tanba ne'e ita fiar katak depois sira na'in-7 remata estudu fila mai sira sei dezenvolve instituisaun PNTL di'ak liu tan," Subliña nia.
Nia informa Membru Polísia nain hirak ne‘e sira ba estudu kona-ba maritima nian, bainhira sira fila mai komandu PNTL nafatin koloka sira iha Martima nian.
"Programa ida ne'e ita foin mak hahú realiza, iha fulan Dezembru tinan kotuk, komandu PNTL asina ona akordu ho universidade iha Surabaya nian, entaun ita liuhusi asina akordu ne'e maka ita foin implementa hodi kompleta programa lima komandu nian, espesialmente ba iha dezenvolve kapasidade rekursu umanu Polisia nian," informa nia.
Nia rekuñese mezmu ekipamentu sira ne'ebé mak UPM utiliza sei minimu, maibé komandu PNTL halo esporsu nafatin atu apoiu husi Governu nian buka oinsá atu nune’e bele kompleta ekipamentu sira ne'ebé maka UPM presiza espesiál transporte ró.
Ha'u rekuñese iha postu balun UPM nian, komandu PNTL seidauk koloka ró tanba ró seidauk to'o, maibé ita sei tau iha planu 2025 nune'e kompras fali ró balun, hanesan iha Oe-kusi no Suai nian ita seidauk koloka ró, maibé Atauro, Lospalos, Beakou no Dili iha ona kolokasaun ró, postu ne'ebé seidauk iha ró ita sei tau iha ita nia planu atu nune’e ba tinan oin ita sei kompras fila-fali balun hodi koloka ba iha fatin hirak ne'ebé ha'u temi ona," hakotu nia.
Entertantu membru na'in-7 ne'ebé sei dezloka ba hala'o estudu iha Surabaya -japaun kompostu husi Primeiru ajente José Manuel Gomes, sei ba iha universidade Japaun, Joanico Ximenes Ajente prinsipál, Julio da Costa Ximenes, ajente prinsipál, Rodolfo Alfa Gonçalves, ajente prinsipál, Aquino Ribeiro, Ajente prinsipál, Adilson dos Santos no Octavio Alfredo Amaral sei ba hala'o estudu iha Indonézia-Surabaya, iha area maritima ho programa 3, ida kona-ba tékniku eletrisista, magnista no managementu ró seguransa nian ho durasaun tempu entre tinan 4 to'o 5.
