Tempu Kuarezma, Liberta Sarani husi Atan no Hetan Liberdade husi Maromak Featured

By Ivonia Varela Fevereiru 14, 2024 143
Membru FALINTIL-FDTL  husi Componente  Força Terrestre (CFT) Partisipa iha Selebrasaun Loron Kuarta-Feira sinzas iha Baucau. Media CFT. Membru FALINTIL-FDTL husi Componente Força Terrestre (CFT) Partisipa iha Selebrasaun Loron Kuarta-Feira sinzas iha Baucau. Media CFT.

DILI: Sarani Katólika iha mundu tomak hahú kuarezma ho selebrasaun kuarta-feira sinzas liu husi kose ahuk-kdesan iha sarani sira nia rentos ho hanoin ba katak mai husi rai sei fila ba rai.

Arsebispu Arkedioseze Metropolitana Dili, Dom Virgilio Cardeal do Carmo da Silva SDB, iha nia ómilia hatete, viajen ka aventura dalan ba sarani nia kuarezma hanesan dalan ba exodu (sai) , ne'ebé atu sai husi kondisaun atan ho liberdade lolos hanesan Maromak oan.

"Maibé ida ne'ebé moris mak espiritu rai-rahun ida nee sai ema tanba maromak fó iis moris iha dignidade tanba espirtiu Maromak ninia tan nee ita laos rai ninia maibé ita espiritu Maromak ninia," dehan Cardeal liu husi ninia ómilia iha misa kuarta-feira Sinzas Iha Katedral Vila-Verde, Kuarta (14/02).

Iha loron 40 nia laran lori ita atu lori hanoin filafali tinan 40 Maromak nia povu iha dezertu (raifuik) fila ba sira nia rai, susar oinsa ba povu ida nee atu husik ejiptu husik sira nia fuan hanesan ema dehan katak fasil ba sira atu husik rai egiptu.

Dom Virgilio esplika, ema ne'ebé moris mai husi rai tanba Maromak halo ema husi rai, husi rai no tahu ne'ebé iha Maromak fó iis, iis nee mak espiritu ida ne'ebé moris tan nee mak banhira iis la iha ona latan hanesan fatuk no ai pedasuk ida la iha tan buat ida.

Kuarezma la'ós konvida sarani sira atu hatan de'it ho liafuan maibé konvite ne'e diriji ba sarani fahe ba ema nudar sarani, atu verifika ema timoroan,sarani, eskolante Jesus ninian.

"Loron ohin tempu kuarezma ninian kovinda ita dala ida tan atu ita buka hanoin tau ita neon konaba konvite ida nee fula mai hau ho fuan ho laran. konvite nee diriji ba hau nia fahe ba hau nudar sarani, atu verifika ema timoroan hanesan sarani, eskolante Jesus ninian,"

Cardeal esplika, Kuarezma atu lori ema ba loos iha neebé, atu ba hasoru Maromak ka keta halo desain husi Maromak keta lori ema hasoru Maromak maibé hasoru fali nia an hodi buka moris ba Maromak ka Ksolok ba rai ida nee nian.

Akresenta tan, dalan ema nia atu fila ba Maromak laos imposivel, dala ema dehan morin mak hanesan nee ba tinan barak ona saida mak ema bele halo, maibé iha loron kuarta feira sinza ba Maromak la iha tan buat ida mak susar.

Nunee Maromak konvida sarani sira atu hakruk hodi simu ahu-kdesan hodi loket kuarezma no sei termina ho Kinta-feira santa iha momentu ida bolu ema hotu aprende husi Jesus fase Eskolante nia ain.

Rate this item
(1 Vote)

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30