Bainhira sosa tiha hatama ba armazen governu nian, hodi produz fali atu halo intervensaun iha tempu situasaun emerjensia.
Nia dehan, tinan ne’e CLN tenke prioritiza sosa hare kulit para ho intensaun ida mak atu oinsá intensiva agrikultura sira kontinua halo natar hodi bele hasai produsaun iha rai-laran.
“prosesu iha hahú ona fulan juñu ita fó ona emprezariu sira se de’it mak hakarak pronto fornese hatama haré kulit mai governu entaun iha momentu ne’ebá iha emprezariu sira barak no asosiasaun agrikultor sira no individu hakarak partisipa hotu ita fó hatene sira iha ne’ebé mak produtu ne’e iha depois presu ne’e oinsa atu sira entrega mai governu buat sira ne’e mak ita halo ona”dehan nia ba jornalista INDEPENDENTE iha knaar fatin delta sesta (13/09).
Tanba iha Timor maioria agrikultor sira kolleta hare dala ida de’it tanba iha fatin balun de’it mak dala rua tanba situasaun klima ne’e mós la fó biban ba komunidade sira atu kolleta iha tempu ne’ebé mak hanesan ezemplu iha Munisipiu Vikeke sei koilleta iha Novembro,Manatutu kuaze koilleta ona,Maliana parte balun ona,Same iha maibé kuantidade ladun boot.
“tanba ne’e mak dadaun ne’e espera katak dia 23 fornesedor sira sei asina kontratu tanba sasan ita verfirika iha ona ne’e hein hatama de’it tanba iha vikeke mós ita ba ona verifika,parte Sarei mós ita ba,Bobonaru,Suai,Baucau, kuaze ita perkore iha hotu ona”dehan nia.
Nia hatutan, tanba prosesu hein de’it kompaña hatama de’it ona bainhira sira asina ona kontratu sira bele hatama ona depois CLN verfika tiha tuir kriteria ne’ebé mak fó kompaña sira tenke priense depois halo pedidu pagamentu CLN selu tiha tanba laiha kompleksidade iha prosesu pagamentu nian tanba sasan CLN verifika hotu ona iha terenu.
Tanba fornesedor kompaña hamutuk 17 mak pronto ona hodi hein hatama haré kulit tanba sei semana ida tan para hodi haree mak kuandu dokumentu laiha problema signifika iha dia 23 fulan ida ne’e sira tenke asina hotu kontratu para hatama ona.
Tanba dekretu lei CLN nian fó dalan ba ema indiviu no asosiasaun grupu sira mós bele partisipa hodi sosa hare kulit tanba importante mak tenke kumpri rekejitus tanba atu sosa ne’e depende toneladas hira mak sira sosa hodi entrega fali ba governu.
“sira atu rekoilla hira entaun sira informa loos ona entau prontu ita asina tuir kuantidade ne’ebe mak sira fó,se sira fó toneladas ida ita kontratu toneladas ida,se sira kontratu toneladas 100 entaun ita pronto mais depedene sira mak badinas sosa produtu maibé ita mos sei test hare nia kualidade”dehan nia.
Atu haree kualidade, nia dehan, bainhira kompaña sira hatama parte CLN sei halo teste liu-liu kona-ba parametru tanba bainhira hatama ba armajen mós sei teste tan dala para ida ne’ebé mak tama kriteria mak foin CLN simu hodi hatama ba armajen no ida ne’ebé mak la tama entaun lori fila.
Ezemplu,nia dehan, se toneladas 10 mak teste balun de’it mak tama kriteria entaun restu ne’e tenke lori fila para hodi rai kuandu to’o nia tempu di’ak mak lori ba CLN hodi halo tan teste karik tama ona rekejitus entaun CLN sosa fali tanba importante mak tenke kualidade hodi bele rai iha armajen.
“tanba ne’e mak fornesedor sira mós tenke kuidadu halo oinsa mak estadu halo hola liu husi governu CLN depois ita mak sei fó sai fila-fali ba komunidade sira,ne’ebé ita hotu kuidadu ida ne’e mak ita hakarak halo ho orsamentu millaun ida liu mak ita prevee ona,” dehan nia.
Kona-ba Orsamentu husi CLN, nia dehan, depende produtu ne’ebé sosa tanba tuir dadus tinan kotuk nian ne’ebé CLN iha atu atinje toneladas rihun ne’e sei susar maibé espera katak tinan ida ne’e oinsá atu intensive nafatin grupu agrikultor sira atu kontinua produs nafatin espera tama to’o toneladas 1500.
“se tama to’o toneladas ida ne’e entaun signifika progresu husi Ministerius sira no setor privadus sira ne’ebé mak durante ne’e fó atensaun makas ne’e pelumenus la muda mós oituan-oituan bele ita haree sae labele tun ba bebeik”dehan nia.
Tanba tuir anunsiu ne’eb’e CLN fo sai atu kompaña sira sosa hoti hatama ba CLN tenke to’o toneladas 1720 maibé buat hotu iha prosesu verifikasaun husi armajen mak hodi haree iha faze primeiru ne’e tama to’o hira no folin ne’ebé CLN atu sosa fali husi kompaña sira la hanesan tanba sira mak tun ba sosa.
