Tekniku Operadór Halo Melloramentu ba Liña Distribuisaun Bee Moos Iha Aldeia Fomentu II

Novembru 27, 2024

Tekniku Operadór Halo Melloramentu ba Liña Distribuisaun Bee Moos Iha Aldeia Fomentu II ^Featured

By Agustino Gama Setembru 23, 2022 667

Tekniku Operadór Bee Timor-Leste, Empreza Públika (BTL, E.P) liu husi Zona tolu (3), kinta horseik (22/09), halo melloramentu ba liña distribuisaun bee moos, iha Aldeia Fomentu II, Suku Komoro, Postu Administrativu Dom Aleixo, Munisipiu Dili. Foto:Media BTL,EP.

DILI: Tekniku Operadór Bee Timor-Leste, Empreza Públika (BTL, E.P) liu husi Zona tolu (3), kinta horseik (22/09), kontinua halo melloramentu ba liña distribuisaun bee moos, iha Aldeia Fomentu II, Suku Komoro, Postu Administrativu Dom Aleixo, Munisipiu Dili.

"Iha atividade melloramentu ne’e, tékniku sira uza mákina hodi ke’e rai ou ko’a aspal, hodi monta liña distribuisaun bee moos nian, atu nune’e labele hetan estragus ou aat," dehan komunikadu ne’ebé Online INDEPENDENTE asesu, iha pajina BTL,EP, sesta ne’e (23/09).

Enkuantu, tuir komunikadu refere, tekniku sira kontinua halo melloramentu ba kanu distribuisaun hirak ne’e, bainhira remata, hafoin bele instala metru kontadór foun, atu nune’e, hodi garante fornesimentu bee ba komunidade sira iha fatin refere no mós konsumidór sira bele kontribui reseitas.

Entretantu, BTL, EP mós halo melloramentu ba sistema hirak ne’ebé ezistente, atu bele garante bee moos sufisiente ba ema hotu.

Rate this item

(0 votes)