Tuir dadus husi mekániku Ofisina katak, ambulánsia 18 mak labele halo manutensaun, signifika entrega ba iha patrimóniu Estadu no iha karreta ualu mak ho kondisaun ladun di’ak maibé SNAEM tenta atu hadi’a.
“Ko’alia kona-bá manutensaun ambulánsia ne’ebé akontese iha munisipiu sira ne’e, públiku nia hanoin katak karreta multifunsaun ne’e ambulánsia hotu,” Diretór Jerál SNAEM, Horacio Sarmento da Costa hateten iha otél Timor, Kinta (22/09/2022).
SNAEM nia responsabilidade loloos maka karreta ambulánsia no kona-bá karreta multifunsaun ne’e kompeténsia MS liu husi dirasaun nasionál administrasaun lojistika.
Iha fatin hanesan Xefe departamentu Servisu Apoiu Emerjénsia no Medikamentu iha Munisipiu Ermera Lino Carlos Lopes informa katak daudaun ne’e iha ambulánsia rua maibé kondisaun mak ladun di’ak atu halo atendimentu ba komunidade.
Durante fulan ida, sira hetan apoiu husi sentru saúde iha Ermera liu-liu ba transporte, tanba ne’e husu ba Ministériu Saúde ba oin tenki iha ambulánsia ne’ebé ho kondisaun di’ak.
