Nia konfesa katak, bainhira kaer kargu númeru um iha nasaun ne’e nia kritiku tebes no fasil los atu expresa nia kritika hasoru Governu.

Maibé bainhira nia assume fali kargu nuudar Primeiru Ministru, nia hili nonok de’it tanba nia rasik mós hasoru problema barak ho sistema.

"Ema balun hanoin katak tanba $3,500 ka $4,000 ha'u fa’an tia ona ha'u nia klamar ne'e be agora nonok de'it."dehan nia iha Parlamentu Nasionál, ohin seste(02/10)

Maske nune'e, Xefe Governu deklara nunka arrepende ho kritika sira ne'ebé nia halo bainhira sei kaer kargu Prezidente Repúblika. Tanba tuir nia katak situasaun ne'e halo nia aprende barak liu kona-ba sistema maske nia halo oituan de'it durante ukun.

"Mais ita boot sira husu ha'u, ha'u nia kritika ida uluk ha'u halo ne'e ha'u arrepende? ha'u la arrepende! ainda bem que uluk ha'u halo oituan de'it duké barak liu,"tenik nia.

“Agora ha'u hatene sistema no ha'u rasik loron-loron infrenta problema iha sistema laran”.