Akontesimentu ne’e, sesta-feira dadersan, maiu-menus iha oras tuku 6:20.
Tuir informasaun ne’ebé Online INDEPENDENTE rekoilla iha terrenu katak dukumentus hirak ne’e hetan sunu husi ema deskoñesidu ne’ebé soe sigaru ba fatin dokumentus.
Tuir Diretór Nasionál Empregu Exterior (SEFOPE), Filomeno Soares hateten, akontesimentu ne’e foin ohin dader, iha loron sexta maiu-menus tuku 6: 20.
Tuir nia katak ema deskoñesidu lao iha edifisiu nia sorin fuma sigaru hodi soe tama ba iha edifisiu dokumentu traballador Australia ho Korea nian.
"Ahi la han hotu dokumentu sira tanba hetan atua hamate ahi (lalais) husi komunidade no seguransa ne’ebé hela besik iha edifisiu ne’e,"dehan Filomeno, Sesta (02/10).
Dokumentu hirak ne’ebé ahi han ne’e hanesan dokumentu kandidatu traballador husi Australia ho Korea ne’ebé liu ona teste iha tinan 2019. Maski nunee, dokumentus hirak ne’e transforma ona ba iha sistema komputadór.
Tuir sasin Antonio Bianco hateten, derepenti nia haree ahi lakan sai husi fatin dokumentus sira iha edifisiu SEFOPE kotuk.
Nia dehan, seguransa sira la hetan suspeitu tanba ema deskonesidu ne’e tama husi kotuk.
