Timor-oan ida ho inisiál DA, kompleta ona loron 14, no fila ona ba nia familia sira iha Hatulia, Ermera, iha Sábdu liu ba, maibé hafoin liu loron ida nia haatudu fali sintomas hanesan COVID-19.
Tanba ne’e, nia rasik ho familia ba aprejenta an fali iha Sentru Saúde Postu Hatulia atu bele fó atendimentu.
Tuir dr. Rui hatete, hafoin relata mai iha SIJK, ekipa laboratoriu nasionál ba foti ona amostra hodi halo analiza laboratóriu.
“Halo ona konfinamentu obrigatóriu iha nia uma, hetan akompañamentu husi profesionál de saúde sira,”dehan eis Primeiru Ministru ne’e, iha sesta ohin, iha sala situasaun SIJK, CCD Dili.
Tuir portavos SIJK ne’e dehan, maski abitante sira negativu ona husi COVID-19 liu husi rejultaadu testu laboratóriu nasionál, maibé sei halo fali tan segundu faze ba laboratóriu iha Australia.
“Mesmu ita anunsia ona negativu, maibé sira ne’ebé hela iha kuerentina hein rejultadu tuir mai husi laboratoriu Australia mak foin bele sai ou la sai,”dehan Dr. Rui.
