INS Fó Formasaun Ba Médiku Sira Iha Munísipiu

Novembru 23, 2024

INS Fó Formasaun Ba Médiku Sira Iha Munísipiu ^Featured

By Elsa Belinha Abril 17, 2020 3521

Ekipa Sames halo preparasaun atu tama ba kuerentina Hotel Katuas hodi rega aimoruk disinfectan ba fatin sira iha Hotel laran. Dili Kuarta, (15/04). FOTO: INDEPENDENTE/Jónio da Costa.

DILI: Institutu Nasional Saúde (INS) nia ekipa formadores sira hamutuk ho Organizasaun Maluk Timor hetan apoiu husi ONG sira no parseiru dezenvolvimentu sira fó formasaun ba médiku sira iha munisipiu sira hotu.

Portavoz Sentru Integradu Jestaun Krize (SIJK), dr. Rui Maria de Araújo hatete, ekipa formador sira husi INS hamutuk ho parseiru dezenvolvimentu sira hahú fó formasaun ba ekipa médiku sira iha munisípiu hotu hodi halo triajen konsulta loron-loron relasiona ho situasaun COVID-19.

“Triajen nia objetivu atu identifika ema ne’ebé iha sintomas hanesan COVID-19 hodi fó konsulta ketak,”dehan nia iha konferensia imprensa iha CCD, ohin.

Nia esplika, ema ne’ebé mai konsulta hanesan sintomas COVID-19 nian sei fó konsulta ketak labele hamutuk ho konsulta jeral ninian atu nune’e bele halo prevensaun no mitigasaun iha Timor-Leste. Formasaun ne’e agora dadaun la’o hela iha munisipiu sira.

Rate this item

(0 votes)