Portavoz Sentru Integradu Jestaun Krize (SIJK), dr. Rui Maria de Araújo hateten, pasiente sira ne’ebé agora dadaun iha fatin izolamentu la presiza uza ventilador tanba sira kazu lizeiru sira hatudu sintomas kostipasaun ninian me’ar oituan tanba ne’e halo análiza ba sira.

“Sira maioria sintomas laiha maibé hela hamutuk iha fatin ne’ebé kazu konfirmadu entaun ita halo analiza ba sira konfirma katak sira mós pozitivu ou provavel,”dehan nia iha konferensia imprensa iha CCD, ohin.

Nia esplika, sira la dezenvolve sintomas ruma maibé lori sira ba fatin izolamentu atu labele hada’et tutan ba ema seluk tanba provizoriu pasiente pozitivu sira la presiza ventilador.

Agora dadaun ventilador ida de’it sei iha prosesu nia laran ventilador 50 ka 60 sei lori mai tan.