Iha serimónia asina kontratu fahe produsaun petroleum entre ANP no kompañia ENI, ne’ebé asina direita husi Ministru Petroleum Rekursus Minerais, Francisco da Costa Monteiro, Ministru Interior, Francisco Guterres, Ministru Planeamentu Investimentu Estratéjiku, Gastao de Sousa no Ministra Solidariedade Sosial Inkluzaun, Veronica das Dores, inklui korpu diplomatika sira seluk.
Presidente Autoridade Nasionál Petroleum (ANP), Gualdino do Carmo da Silva hatete, ohin ekipa husi kompañia ENI hodi asina kontratu fahe produsaun peskiza Petroleum ninian hamutuk ho ANP, tanba Kompañia ENI mak hanesan manán na'in bá kloku iha Tasi Timor nian.
"Konvidadu hotu, iha ita nia oin Ministru na'in haat, hamutuk ho ita nia bainaka Espesial ohin maka kompañia ENI husi Austrália Denis Palermo ho ninia ekipa hodi asina kontratu fahe produsaun peskiza Petroleum ninian hamutuk ho ANP, tanba Kompañia ENI mak hanesan manán na'in bá hafoin ita iha konkursu Internasionál antes kuaze Covid-19 no konklui depois de Covid-19," dehan nia hafoin Asina akordu Kontratu fahe produsaun iha Ótel Timor, Kinta (14/12).
Iha Tinan kotuk fulan Abríl selesaun ne'e husi manán na'in ida manan na'in seluk hafoin hahu kedas ho negosiasaun kontratu. Negosiasaun kontratu ne'ebé ke han tempu naruk maibé ohin finaliza sei asina, depois de asina sira sei halo sira nia serbisu.
Iha neeba, survei ida sismiku aumezmu tempu iha mós perfurasaun ne'e Investimentu ida boot, haree iha Mapa parte súl du Sunrise ne'e iha kór kream ne'ebé iha kór mean rua nia klaran ne'e bloku mak ida ne'e.
"Bloku ida ne'e iha ita nia Tasi Timor, iha ita nia territóriu 100%, anterior antes ne'e karik ita iha de'it 90%, maibé agora ita nia fronteira iha ona ida ne'e 100% iha Timor-Leste nia Área, ne'e iha súl husi Sunrise," nia salienta.
Hanesan hatudu ona iha Mapa kór kream iha neeba sira nia atividade iha komitmentu no veinkuladu bá tinan 3 bá atividade hotu ne'ebé mak sira promesa ona ba Timor sei eventu de susesu sira sei nafatin kontinua halo sira nia atividade perfurasaun seluk.
"Ita espera ho tulun matebian sira no tulun nai Maromak nian hotu-hotu atu nune'e ho povu Timor tomak atu sira susesu, atu nune'e la'os di'ak de'it ba sira maibé di'ak mós bá Timor-Leste, ida ne'e mak espetativa. Ita nia espetativa, ita nia hanoin di'ak bá ema sira ne'e, ENI la'os Kompañia foun ida Kompañia ida ne'ebé mak uluk halo produsaun bá kampu Kitaan," dehan nia.
Nia afirma, husi Kitaan sira sei iha komitmentu rezidu ida ne'ebé seidauk finaliza mak Biblioteka Nasional no mós halo armajen ida ba tau rosas ne'ebé mak prezidente IJTL ho nia kolega sira mak sei jere.
Ne'e komitmentu rezidu ne'ebé mak ne'ebé mak sei la'o hela no iha mós Kontratu sira seluk ne'ebé mak sei la'o hela, ne'e duni ENI la'os bu'at foun maibé ENI hanesan kompañia boot ida iha mundu.
"Ne'ebé ita haksolok rona mós Kompañia boot ida nafatin fó nia interese atu Investe iha ita nia rain Timor ne'e sinal di'ak ida bá ita intermus de atrai Investimentu Investór Internasionáis mai ita nia rain," tenik nia.
Iha fatin hanesan, Ministru Petroleum Rekursus Minerais Francisco da Costa Monteiro hatete, Eventu ida ne'e marka asinatura Production Shering Contrac (PSC) bá kontratu da partilia de produsaun entre ANP ne'ebé reprezenta Ministériu no estadu ho Kompañia ENI Timor-Leste, maibé ENI kompañia Itálianu ida para atu halo esplorasaun.
Esplorasaun ne'e iha área ida ne'ebé besik Greater Sunrise no mós besi Cudits ne'ebé tuir identifikasaun iha potensia boot lubuk ida mais ne'e presiza tempu para atu halo esplorasaun ida ne'e.
"Kolega Ministru sira bele hamutuk akompaña ha'u bele mai fó testamuña ida ne'e ba iventu ida importante tebes ita bele dehan prosesu bá esplorasaun bá ita nia riku soin sira ne'ebé ha'u agradese tebtebes prezensa hotu-hotu nian iha ne'e," nia salienta.
Eventu ida ne'e mós la'os katak relembra fila-fali Setór ida ne'e no mós parte ida Setór ida Petroleum iha Ekonomia no dezenvolvimentu nasional maibé mós ho fila-fali korajen ida reafirma fila-fali katak setór Petroleum ne'ebé infelismente iha tendensia mundiál agora hakarak atu hasae tiha mundiál nian kontribuisaun bá enerjia ekonómia mundiál nian.
Iha tendensia ida ne'e mais ho prezensa Kompañia ida ke boot tebtebes iha mundu ninian ENI no sira seluk ne'ebé maka sei kontinua fiel no sei kontinua hakarak halo Investimentu iha setór ida ne'e reafirmasaun importante pontu rua.
"Ida hanesan ha'u temi katak setór ida ne'e importante ida seluk mak konfiansa ne'ebé mak iha katak setór Petroleum sei nafatin atrai nafatin intereses husi investor sira liu-liu Kompañia sira ke inklui Kompañia boot sira hanesan ENI hakarak mai."
"Ita agradese tanba ENI hatudu nia intereses, Kompañia boot ida iha mundu hatudu nia intereses no fiar ba potensia balun ne'ebé tuir sira nia hanoin iha ita nia tasi Timor nian," tenik nia.
