"Prosesu Greater Sunrise ne'ebé agora hamosu duvidas ne'e nia termu mak, sala ita boot sira mak hakerek ladún kompletu, maibé ida ne'e bolu naran Consep Selection Studing ka estudu ba selesaun konseitu diferente ho estudu viabilidade," dehan Fransico da Costa Monteiro hafoin partisipa eventu asina kontratu entre Autoridade Nasionál Petroleum ho kompañia ENI husi Australia iha Ótel Timor, (14/12).
Nia afirma, ida ne'e la signifika katak pelu faktu Timor-Leste aseita no Áustria aseita no join venture sira aseita para halo ezersisiu ida ne'e, la nega faktu katak Timor-Leste halo tiha nia estudu ona no estadu viabilidade sira uluk ne'e hatudu katak iha viabilidade komersiál atu dada kadoras ne'e atu mai Timor-Leste.
Estudu sira uluk ida ne'e mantein nafatin ate aban bainrua iha estadu balun ne'ebé maka hatudu faktus kontrariu, mais neste momentu Timor-Leste fiar katak dada kadoras mai Timor no lori LNG mai ne'e mak solusaun ida di'ak liu no mós lalais liu ba dezenvolvimentu Greater Sunrise.
Konsep Selection Studing ka Estudu Selesaun konseitu ninia prosesu sei serbisu hamutuk komitmentu husi Timor-Leste no Australia no joint venture sira sei serbisu hamutuk para ke iha meadus 2024 bele konklui estudus ne'e hodi prosesu sira diskusoens mais profundu bele komesa ona husi neeba.
"Estadu sira uluk la'os la vale, estudus ne'ebé mak Timor-Leste halo no Woodsite sira halo ne'e agora momentu ida sertu ita tau hamutuk hotu hodi iha fali tan terseira parte kompila haree didi'ak depois ajusta karik nesesariu tuir realidade merkadu no realidade teknolojia hodi nune'e to'o iha konkluzaun ida," nia dehan.
Nia afirma, ne'ebé atu dehan bá Públiku katak Estudu viabilidade sira anterior la'os la vale, validu mais agora situasaun muda, merkadu muda entaun tenke haree fila-fali situasaun sira ne'e.
Loron hirak bá Deputada Opozisaun husi bankda Fretilin Kestiona governu nafatin priodade ba projetu Greater Sunrise no projetu tasi mane ida ne'e ninia retornu mós to'o ohin loron sei sai Duvidozu ba públiku.
Deputada Cristiana Rebelo husi Bankda Fretilin hateten, nune'e mós Osan Ida tama iha fundu Petroliferu Governu dasia kontinua uza hodi halo investimentu Infraestrutura produtiva Sira liu-liu iha Setór eletrisidade, konstrusaun Petróleum no gas ne'ebé mak investimentu boot liu sei hala'o ba Kosta Sul ho projetu Tasi Mane.
"Ha'u la presiza temi ona montante hira mak aloka, maibe Primeiru Ministru ha'u okupa hanoin de'it Timor-Leste 650 miloens no mós 130 miloens iha fundu husi Fundu Petroliferu hodi Sosa partisipasaun asaun iha konsorsis greater sunrise no gasta tiha ona milaun 1,3 ba komponente balun iha projetu Tasi Mane maibe nia retornu sei duvidozu hela," dehan nia hafoin Debate jeneralidade Orsamentu Jeral Estadu 2024, iha Parlamentu Nasionál, Tersa (12/12).
Nia afirma, triete tanba Governu nafatin Governu hatudu prioidade ba Setór Petroliferu maibé la tuir prioridade ba difersifikasaun ekonomia sustentavel hanesan Primeiru Ministru temi.
"Primeiru Ministru favour ida fo hatene mós mai Ami bainhira lo'os mak kadoras ne'e atu mai Timor-Leste. Durante ida ne'e ita rona osan ne'ebé ita gasta ba Investimentu Greater Sunrise barak lo'os ona," nia dehan.
Estudo halo tantu estudu, Governu foin aprova de'it konsorsius seleksion iha semana tolu liu ba ida ne'e apresia tanba Governu ida ne'e halo kontinusaun serbisu ne'ebé VIII governu hala'o tiha ona no jestaun anterior Timor Gap seidauk halo.
"Maibé horisehik ha'u haree atraves revista ida husi media reprezentante Greater Sunrise husi Austrália depois Hasoru tiha Primeiru Ministru nia hateten ba presiza tan atu halo estudu ekonomia iha Komersial ba Greater Sunrise, ho nune'e opsaun atu dada kadoras mai Timor sedu demais," nia dehan.
Primeiru Ministru, nune'e de'it to'o bainhira, enkuantu desizaun ida ne'e hatudu momoos katak halo opsaun ida ne'e desizaun husi konsorsis.
"Tanba ne'e ita labele kontinua, Primeiru Ministru atu fo de'it liafuan mamuk no esperansa ba ita nia povu sira, ita nia tuan sa'e ba beibeik sei gasta tan osan ba setór ida ne'e to'o bainhira," tenik nia.