SEFOPE, Rogerio Araujo Mendonça hatete, Sekretariu Estadu Formasaun Profesional no Empregu finaliza vaga online iha tinan 2022 ne’ebé durante ne’e sai preokupasaun ba publiku no akumula hotu ona vaga husi tinan 2016 to'o 2021.
"Iha 14 Dezembru 2023, ita hamamuk ona husi sistema no apresia ba estrutura husi SEFOPE no DNEE ho esforsu tomak hodi finaliza ona vaga iha tinan ida ne'e," informa Rogerio Araujo Mendonça ba jornalista sira iha salaun SEFOPE, Kaikoli, (14/12)
Vag ne’e sei publika iha kada munisipiu tuir broxer ida-idak nia, joven sira ne'ebe aplika vaga refere hamutuk 50.578 sei publika iha munisipiu 13, inklui RAEOA.
Nia dehan, ba kandidatu sira ne'ebe liu no naran taka ona iha munisipiu, maibé SEFOPE sei prepara kondisaun iha fulan rua no faze dahuluk teste eskrita, daruak interviu.
Se mak iha intervista ne liu ona, signifika ita hatama sira nia dadus ba sistema no fatin ida ne'ebe asegura ona iha sistema husi kompania sira husi Australia konformi hili tuir abilidade ho kapasidade sira ne'ebe joven sira aplika.
Agora sira hatama ona sistema oinsá sira prepara ba oin atu sai ba rai liur tenke prepara mos passaporte ho kondisaun saude, bainhira empregador sira presiza ita bo'ot ba servisu iha Australia presiza saude tenke diak.
SEFOPE husu ba Timor-oan sira ne'ebé naran publika iha 14 fulan Dezembru tinan 2023, no hare'e garante ba saude tanbá atu ba servisu iha Australia la'os uza fali teste nia valor ne'ebé Kualidade a'as.
Sei ita boot sira selu tiha medikal teste to'o resultadu mai la diak, signifika ita bo'ot sira liu tiha fase hirak ohin ne'e, maibé ita bo'ot sira la hetan oportunidade.
Ba kandidatu sira ne'ebe sei intervista ho eskrita la pasa, maibé SEFOPE loke nafatin sentru formasaun rejional atu nune'e joven sira ne'ebe la hetan oportunidade , no sira mos sei hetan fatin oportunidade iha tinan 2024.
Maibé atu hateten la'os tama iha sistema ida ne'e, no sei mai rejista foun fila-fali atu nune'e naran foun, la'os sistema online ida uluk ne'e kontinua ne'e lae.
SEFOPE hato'o menjasen ba joven sira iha fatin-fatin bainhira vaga hanesan ne'e to'o atu taka mosu rumoris no mosu ema uza broker hodi bele ba husu osan ba joven sira.
Nia dehan, Uza Sekretariu Estadu Formasaun Profesional no Empregu (SEFOPE) nia naran no Diresaun Nasional Empregu no Estranjeiru (DNEE) hodi halo manobra atu nune'e joven sira hato'o keiza ba PNTL ho SEFOPE, maibé atu hato'o keiza tenke iha evidensia ne'ebé forti.
Iha fatin hanesan Diretór Jeral SEFOPE Carlito Rosario Cabral hatutan, SEFOPE hakarak fo sai ba publiku kona-ba resultadu sistema online ne'ebé iha tinan hirak ba kotuk joven sira aplay.
Prsesu sei la'o maibé SEFOPE halo buat hotu-hotu atu prosesa ita nia kandidatu sira tuir rekejitu husi empregador sira, tanbá ne'e hahú ohin ha oin SEFOPE sei halo prosesu tomak tuir mai.
Maibé sei teste eskrita depois intervista molok kandidatu sira nia naran tama iha work rending full, atu nune'e bele hein empregador sira husu mak foin oferese ba kandidatu sira liu ona ne'e.
SEFOPE fo sai dadus ba kandidatu sira hamutuk 50.578 pesoa husi munisipiu 13 inklui RAEOA, ne'ebé durante ne'e sira aplika vaga online ne'e.
Kandidatu husi munisipiu hamutuk 3395 no kompostu mane na'in 2005 , kompostu feto na'in 1390, kandidatu husi Ainaro hamutuk 2967 no kompostu mane na'in 1629 no feto na'in 1238, kandidatu husi Atauro hamutuk 272, kompostu mane na'in 191 no feto na'in 71.
Kandidatu munisipiu Baucau hamutuk 7.044 no kompostu mane na'in 4263 no feto na'in 2781, kandidatu munisipiu Bobonaru hamutuk 4685 , kompostu mane na'in 2881 no feto na'in 1694.
Kandidatu vaga online husi munisipiu Covalima hamutuk 3181 no kompostu mane na'in 2106 no feto na'in 175, kandidatu munisipiu Dili hamutuk 8281, kompostu mane na'in 4612 no feto na'in 3569.
Kandidatu husi Munisipiu Ermera hamutuk 5522, kompostu mane na'in 3590 no kompostu feto na'in 1923, kandidatu husi Munisipiu Lautem hamutuk 3353, kompostu mane na'in 2075 no feto na'in 1278.
Kandidatu husi munisipiu Likisa hamutuk 2567, kompostu mane na'in 1548, no feto na'in 1019, Kandidatu husi Manatutu hamutuk 2096, kompostu mane na'in 1393 no feto na'in 703, kandidatu sira Manufahi hamutuk 2471, kompostu mane na'in 1592 no feto na'in 889.
Kandidatu husi RAEOA hamutuk 990 , kompostu mane 725 no feto na'in 275, kandidatu husi Munisipiu Vikeke hamutuk 3774, kompostu mane 2474 no feto na'in 1310.
SEFOPE liu husi Diresaun Nasional Empregu no Estranjeiru (DNEE) se posesu atu prepara kondisaun hodi fo teste eskrita no intervista kandidantu sira iha kada munisipiu.
