Stock out aimoruk iha Juñu: Atauro 30%, SSM Dili 19%, HNGV 12% Featured

By Ekipa INDEPENDENTE Jullu 04, 2024 649
Foto:Dok. Foto:Dok.

DILI: Tinan ida ona governu dasia kaer ukun, maibé to’o ohin loron seidauk konsege atu rezolve problema stock aimoruk ne’ebé fofoun iha Primeiru Ministru, Kay Rala Xanana Gusmão, nia promesa, sei rezolve iha loron 120 nia laran.

Tuir relatoriu husi Ministériu Saude (MS) ne’ebé INDEPENDENTE asesu, stock out aimoruk ba kategoria Esensial (E), Vital (V) no Nesesariu (N), iha fulan Juñu, iha fasilidade saude sira iha Timor-Leste laran tomak kontinua akontese.

Iha relatoriu ne’e, aimoruk ba kategoriu tolu ne’e pursentajen stock out ne’ebé boot liu akontese iha Sentru Saude (SS) Atauro ho 30.26% ka item 16, kompostu husi E item 13, vital V item 2, no N item 1.

Tuir mai, iha Sentru Saude Munisipiu (SSM) Dili ho 19.08% ka item 50, kompostu husi E item 34, V item 8, no N item 8.

SSM Baukau ho stock out 13.74% ka item 36, kompostu husi E item 34, V item 8, N item 4.

SSM Kovalima ho stock out 12.98% ka item 36, kompostu husi E item 22, V item 5, no N item 7.

Iha Hospital Nasionál Guido Valadares (HNGV), stock out iha fulan Juñu 12.84% ka item 52, kompostu husi E item 29, V item 15, no N item 8.

Tuir mai, HR Maliana ho stock out 11.98% ka item 46, SSM Ainaro 11.83% ka item 31, no HR Suai 11.20% ka item 43.

Iha HR Maubisse, stock out iha 10.68% ka item 41, SSM Likisa ho 9.54% ka item 25, no SSM Manatuto ho 9.16% ka item 24.

Ba fasilidade saude sira ho pusentu stock out 8% mak hanesan; SSM Manufahi ho SSM Vikeke ho porsentu hanesan, 8.40% ka item 22, no SSM Aileu ho 8.02 ka item 21.

Enkuantu, ba Hospital Rejional Eduardo Ximenes (HoREX) Baukau, ho 7.55% ka item 29, no SSM Bobonaro ho SSM Ermera ne’ebé ho pusentajen hanesan, 6.11% ka item 16.

Molok ne’e, tuir relatoriu stock out ba aimoruk iha trimester dahuluk, husi fulan Janeiru to’o Marsu, tinan 2024, husi Ministériu Saude hatudu problema stock out aimoruk iha fasilidade saude 18 iha teritoriu Timor-Leste.

Iha relatoriu ne’ebé INDEPENDENTE asesu, husi total fasilidade saude 18 ne’e, kazu stock out ne’ebé boot liu iha Sentru Saude Atauro ho 58,78%.

Iha Sentru Saude Atauro, husi total item aimoruk 262 ne’ebé disponivel, iha fulan Janeiru aimoruk item 38 ka 14,50% mak stock out. Iha fulan Fevereiru item 60 ka 22,90% mak stock out. Iha fulan Marsu, aimoruk item 56 ka 21,37% mak stock out.

Tuir mai, Hospital Nasionál Guido Valadares total aimoruk stock out iha fulan tolu nia laran hamutuk 53,9%.

Husi total item aimoruk 405 ne’ebé disponivel, iha Janeiru aimoruk item 55 ka 13,58% mak stock out. Iha fulan Fevereiru, aimoruk item 60 ka 14,81% mak stock out. Iha fulan Marsu, aimoruk item 100 ka 24,69% mak stock out.

Iha Sentru Saude Munisipiu (SSM) Dili, total stock out aimoruk iha fulan tolu hamutuk 47,71%.

Husi total aimoruk item 262 ne’ebé disponivel iha SSM Dili, iha Janeiru aimoruk item 40 ka 15,27% mak stock out. Iha Fevereiru, aimoruk item 40 ka 15,27% mak stock out. Iha Marsu aimoruk item 45 ka 17,18% mak stock out.

Iha Hospital Referal (HR) Suai, total aimoruk stock out iha fulan tolu nia laran hamutuk 47,40%.

Husi total aimoruk item 348 ne’ebé disponivel, iha fulan Janeiru aimoruk item 71 ka 18,49% mak stock out. Iha Fevereiru, aimoruk item 60 ka 15,63% mak stock out. Iha fulan Marsu, aimoruk item 51 ka 13,28% mak stock out.

Iha SSM Kovalima, total stock out aimoruk iha fulan tolu nia laran hamutuk 38,55% mak stock out.

Husi total aimoruk item 262 ne’ebé disponivel, iha Janeiru, aimoruk item 35 ka 13,36% stock out. Iha Fevereiru, aimoruk item 29 ka 11,07% mak stock out. Iha Marsu, aimoruk item 37 ka 14,12% mak stock out.

Iha HR Maliana, aimoruk stock out iha fulan tolu hamutuk 33,33%.

Husi total aimoruk item 384 ne’ebé disponivel, iha Janeiru aimoruk item 36 ka 9,38% mak stock out. Iha Fevereiru, aimoruk item 45 ka 11,72% stock out. Iha Marsu, aimoruk item 47 ka 12,69% mak stock out.

Iha HR Maubisse, iha fulan tolu nia laran, aimoruk 33,07% mak stock out.

Husi total aimoruk item 384 ne’ebé disponivel, iha Janeiru aimoruk item 39 ka 10,16% stock out. Iha Fevereiru aimoruk item 39 ka 10,16% stock out. Iha Marsu, aimoruk item 49 ka 12,76% mak stock out.

Iha SSM Baukau, aimoruk stock out iha fulan tolu nia laran hamutuk 32,44%.

Husi total aimoruk item 262 ne’ebé disponivel, iha Janeiru aimoruk item 25 ka 9,54% stock out. Iha Fevereiru, aimoruk item 35 ka 13,36% stock out. Iha Marsu, aimoruk item 25 ka 9,54% stock out.

Iha SSM Ainaro, iha fulan tolu nia laran total aimoruk stock out hamutuk 31,68%.

Husi aimoruk item 262 ne’ebé disponivel, iha Janeiru aimoruk item 31 ka 11,58% stock out. Iha Fevereiru, aimoruk item 28 ka 10,69% stock out. Iha Marsu, aimoruk item 24 ka 9,16% stock out.

Iha HoREX Baukau, iha fulan tolu nia laran aimoruk 30,73% mak stock out.

Husi total aimoruk item 384 ne’ebé disponivel, iha Janeiru aimoruk item 37 ka 9,64% stock out. Iha Fevereiru, aimoruk item 46 ka 11,98% stock out. Iha Marsu, aimoruk item 35 ka 9,11% mak stock out.

Iha SSM Lautem, iha fulan tolu nia laran total aimoruk stock out hamutuk 30,53%.

Husi total aimoruk item 262 ne’ebé disponivel, iha Janeiru aimoruk item 22 ka 8,40% stock out. Iha Fevereiru, aimoruk item 23 ka 8,78% stock out. Iha Marsu, aimoruk item 35 ka 13,36% stock out.

Iha SSM Vikeke, iha fulan tolu nia laran, total aimoruk ne’ebé stock out hamutuk 29,01%.

Husi total aimoruk item 262 ne’ebé stock out, iha fulan Janeiru aimoruk item 20 ka 7,63% stock out. Iha Fevereiru, aimoruk item 28 ka 10,69% stock out. Iha Marsu, aimoruk item 28 ka 10,69% stock out.

Iha SSM Ermera, total aimoruk ne’ebé stok out iha fulan tolu nia laran hamutuk 24,05%.

Husi total aimoruk item 262 ne’ebé disponivel, iha Janeiru aimoruk item 23 ka 8,78% mak stock out. Iha Fevereiru, aimoruk item 20 ka 7,63% stock out. Iha Marsu, aimoruk item 20 ka 7,63% mak stock out.

Enkuantu fasilidade saude lima seluk ne’ebé konsidera ho stock out kiik liu mak SSM Aileu ho total 17,56%, SSM Manatuto 16,3%, SSM Bobonaro 14,89%, SSM Likisa 14,89%, no SSM Manufahi 14,12%.

Rate this item
(0 votes)
Last modified on Sexta, 05 Jullu 2024 20:58

Independente Digital TV