SEFOPE hahú halo Koresaun Pontus Ezame ba Aplikante 42. 642 Featured

By Ivonia Varela Jullu 04, 2024 1322
Sekretáriu Estadu SEFOPE, Rogério Araújo Mendonça, (03/07/24). Foto:Media Gabinete SEFOPE. Sekretáriu Estadu SEFOPE, Rogério Araújo Mendonça, (03/07/24). Foto:Media Gabinete SEFOPE.

DILI: Sekretária Estadu ba Formsaun Profisionál no Empregu (SEFOPE), hahú halo koresaun ba pontus ezame eskrita Lian Inglés ba aplikante hamutuk 42.642 iha programa Pacific Austrália Labour Mobility (PALM).

Sekretáriu Estadu SEFOPE, Rogério Araújo Mendonça hatete, koresaun ida ne'e sei garante transparánsia, tanba jovem barak mak lakon ona tempu hodi aprende lian inglés, no lakon sira-nia tempu hodi tuir teste.
"Hau atu hateten deit katak, ko’alia kona-ba transparánsia ita garante, hanesan Timoroan ka jerasaun foun ida, ita tenke hatudu buat ne'ebé diak ba ita nia maluk Timoroan sira hotu ne'ebé mak partisipa iha eventu ida ne'e, ita hatene ona katak ita-nia jovem barak mak lakon ona sira-nia tempu, lakon sira-nia finanseiru ba kursu hirak ne'ebé mak durante ne'e sira tuir hela.," dehan Sekretáriu Estadu ba Jornalista sira iha Garden Beach Pantai kelapa, Kuarta (03/07).
Atu garante transparánsia bolu, nia dehan, koresaun ida ne'e sei akompaña direta husi Komisaun Anti Korupsaun (KAK), Provedoria Direitus Humanu no Justisa (PDHJ) no Inspektur Jerál Estadu, hodi garante kualidade koresaun, atu nune'e publiku la bele iha indikasaun ruma kona ba koreksaun ida ne'e.
"Ho nune'e ha’u apela hela ba parte husi CAC, PDHJ, Inspektur Jerál Estadu, atu akompana hela Koreksaun ida ne'e, hodi garante nia transparansia, bainhira ita publika rezultadu la bele iha fali indikasaun ruma konaba, kor, familiarismu, atu nune'e ita bele garante nia kualidade." Tenik Sekretáriu Estadu.
Durante koreksaun sei observa husi KAK, PDHJ, Inspektur Jerál Estadu PLF no DFAT.
Koreksaun ida ne'e sei halo durante semana ida, no iha kada loron ekipa sei halo koreksaun ba munisípiu haat tuir oráriu ne'ebé ekipa estabelese tiha ona.

Rate this item
(1 Vote)

Independente Digital TV