Tuir Diretór Servísu Saúde Munisipiu Baucau, Domingos Reinaldo da Costa Guterres hatete, maske stock laiha, maibé la'ós ai-moruk esensiál tanba ai-moruk ítem stock out la ketegoria ba esensial  hodi responde de’it ba atendementu ospitál nian.

“Ai-moruk 43 stock laiha ne'e ladún esensial, maibe iha parte internamentu sira, ai-moruk hirak-ne'e ba liu ospitál hodi atende ba doutór espesialista sira-nia, prosesu distribusaun ai-moruk ba sentru no postu saúde sira iha maneira rua hanesan regulaár kada fulan-tolu no pedidu emerjénsia ne'ebé bazeia de'it ba nesesidade iha baze," dehan diretór liu husi via telefone, Domingu (14/01).

Tanba ne'e, nia husu ba Armajen Institutu Nasionál Farmásia no Produtu Médiku (INFPM), atu esforsu hodi aselara no kreativa tanba maneira pedidu alende manuál liuhusi Ministeriu Saúde (MS) maneira online nune'e, antes pedidu to'o parte distribuisaun hatene ona kuantidade ai-moruk husi kada sentru no postu sira.

Nia informa, ai-moruk stock out item 43 fahe ba kategoria tolu hanesan, médiku jerál item 27 konsumáveis item ida (1) no nesesáriu hamutuk item 16 kompostu husi amoxillin, altenolol, aluminium hudroxide, multivitamina, ibuprofen, hyocine, nystatin oral, grisiovulin no seluk tan.