Sarani Munisípiu Ainaro, Melquiano Fernandes hatete, ohin sira nahe tais iha Estrada hodi simu Papa Francisco hanesan simbolu kultua Sarani Timor-Leste ni’an.
Nia dehan, simu Santu Papa Francisco ho Karreta liu iha leten hanesan sinál bensaun domin ba Timor-Leste no Timoroan tomak.
“Ohin ami hane tais iha estrada simu Santu Papa Francisco ho Karreta liu iha leten hanesan sinal domin ida ne'ebé rai hela mai Timor-Leste ba Timoroan hotu tuir liafuan ne'ebé hakerek ona iha faru mutin atu ita nia fiar sai ita nia kultural,” Dehan Melquiano ba jornál INDEPENDENTE hafoin Simu Santu Papa Francisco, iha Komoro (09/09).
Tuir nia, kultura Timor-Leste ida fatin ne'ebé de'it, bainhira simu bainaka ida tenki tenki uza identidade tais hanesan amizade ho domin hanesan ema ida ba ema seluk.
“Ami halo ida ne'e sai hanesan kultura Timor-Leste ni’an, ida ne'e orgullu bainhira nahe tais iha estrada simu Santu Papa Francisco ho Karreta liu iha leten fo bensaun ba timoroan,” Nia esplika.
Entaun, tais ne'ebé nahe iha estrada ne'e husi Munisípiu Ainaro nian, maibé ida ne'e reprezenta Timor-Leste nia identidade, entaun Santu Papa Francisco ho Kareta liu iha leten foti fali rai hanesan rekordasaun husi Santu Papa Francisco ba Timoroan.
“Ida ne'e hanesan rekordasaun ida ba ita Timoroan hotu halo ami kontente, bainhira ita-nia Santu Papa Francisco sama ain iha Timor-Leste ho karreta liu tais ne'ebé ami nahe iha estrada laran,” Nia hakotu.
