Sidadaun TL Kontente Ezerse Sira nia Direitu Featured

By Cristina Ximenes Maiu 12, 2018 724
Povu tuir formatura hodi ezerse sira nia direitu votu iha eleisaun antesipada Povu tuir formatura hodi ezerse sira nia direitu votu iha eleisaun antesipada

DILI:Sidaudaun Timor-Leste kontente atu ezerse fila fali sira nia direitu iha eleisaun antesipada atu bele determina futuru nasaun ne’e no ultrapassa tiha situasaun inserteza ida ba kotuk.

“Ha’u nia sentimentu kontente tanba ha’u bele partisiapa iha prosesu demokrásia ida ne’e atu bele determina futuru nasaun ida ne’e nian atu bele ultra passa tiha situasaun inserteza id aba iha kotuk ne’e,”dehan sidaudaun TL David Tomas de Deus ba Jornál INDEPEDENTE hafoin remata determina votu iha Sentru Votasaun Eskola SD, Farol, Dili, Sábadu (12/05).

Nia dehan esperensa katak buat hotu la’o hakmatek liu-liu ba lider sira no ba povu tomak fuan bo’ot atu simu rezultadu ida ne’e, tanba ne’e maka hanesan sidaudaun Timór oan sei nia povu ida hadomi nia rain ida ne’e nia tenke kontribui ba rai ida ne’e atu se de’it maka manan mós Timór oan atu bele ukun rai ida ne’e.

“Mensazen ba partidu polítiku sira importante maka hotu-hotu fuan bo’ot atu simu rezultadu ida ne’e atu manan ka lakon, atu manan mós povu maka manan atu lakon mós povu mós lakon entaun ita hotu espera atu nain ulun sira hotu-hotu bele fuan bo’ot atu simu rezultadu ida ne’e hanesan Timór oan hanesan ema ne’ebé hadomi rai ida ne’e,” hateten David.

Entretantu Dolce Maria de Jesus nu’udar sidaudaun ida hateten esperansa ba eleisaun antesipada ida ne’e hotu-hotu hetan rezultadu ne’ebé di’ak liu-liu ba pas no estabilidade nune’e mós atu hetan progressu di’ak iha dezenvolvimentu iha país ida ne’e.

“Ha’u hein katak feto bele hetan partisipasaun másimu iha eleisaun ne’e atu nune’e sira ezerse sira nia direitu maibé ita haree rezultadu aban bain rua depois eleisaun maka atu haree importante atu haree maka feto hira maka partisipasaun,” hateten Dulce.

Tanba esperensia iha eleisaun 2017 laiha diferensia bo’ot númeru votantes feto aas tebe-tebes iha diferensia oituan tebe-tebes ho mane ita espera katak sekarik feto hotu-hotu mai vota dala rum abele fó rezultadu ne’ebe di’ak liu.

Nune’e mós sidaudaun Agio Perreira hakturi liu tan katak “Ha’u haksolok tebe-tebes tanba ita desde 99 to’o agora ita moris iha demokrásia nia laran moris iha dame no domin nia laran ita nu’udar povu nu’udar nasaun ida fó ezemplu bo’ot ba mundu katak it abele iha susar barak maibé ita nia dignidade ita kaer aas tebe-tebes,” haktuir Agio Perreira.

Agio nia espetativa ne’e iha eleisaun ida ne’e povu maka hatene ne’ebé ita haree ona iha Jullu tinan kotuk espetativa balun la sai lo’os entaun ita aprende ho eleisaun agora ne’e lalika deklara barak-barak hein de’it rezultadu ne’ebé povu ohin to’o tuku 03:00 sei deside futuru Foras Polítika nasaun ne’e ninia ne’ebé povu maka sei deside di’ak.

“Mensajen ba partidu polítiku sira partidu hotu-hotu iha valores hanesan ita respeitu hanesan ita hadomi hanesan partidu povu nian partidu tenke retribui fali ba povu hahalok ne’ebé di’ak atu povu mós hadomi partidu hanesan povu nia riku soin. Agio Pereira,”haktuir Agio Perreira.

Rate this item
(0 votes)

Independente Digital TV