“Seguransa ba ita nia eleisaun ohin dader to’o hahú kedas husi 07:00 oras tuir tuir informasaun sira ne’ebé ita nia seguransa sira ene’ebé ami koloka iha estasaun votasaun no sentru votasaun informa katak hotu-hotu la’o votasaun ne’e hahú 07:00 oras tuir regras no orden ne’ebé fó sai, tanba ne’e situasau n to’o agora la’o di’ak tebe-tebes,”dehan Adjuntu Komandante Polísia Nasionál Timór Leste (PNTL), munisipiu Dili Supertindente Eucledis Belo ba jornalista sira hafoin remata determina votu iha Sentru Votasaun Eskola SD, Farol, Dili, Sábadu (12/05).
Nia dehan laiha lakunas ruma laiha problema ne’ebé akontese tanba hodi kalan informa tiha on aba ita nia komunidade sira iha Dili laran tomak sira deskansa di’ak no hakmatek no ohin sira mai votasaun ho hakmatek, tanba ne’e maka laiha asidente no laiha insidente tanba ne’e maka agradese ba komunidade sira husi munisipiu Dili nian.
“Membru ne’ebé ami koloka ne’e segredu operasaun nian ne’ebé ami labele fó hatene, tanba ne’e maka ami hetan reforsa husi Forsa rua ne’e tun hotu kedas PNTL iha terenu hotu kedas nune’e hetan reforsa husi F-FDTL espesialmente Polísia Militar Marina no seluk tan apoiu PNTL ne’ebé garante seguransa másimu liu-liu iha Dili laran nune’e mós ha munisipiu sira seluk ne’e kompetesia komadante jerál nian, maibé klaru kata kami servisu hamutuk ne’ebé ita situasaun ne’e la’o di’ak tebe-tebes, ami volume garante seguransa agora ne’e tantu iha eleisaun tantu orsida lokraik to’o remata mós ami marka prezensa nafatin iha fatin to’o apuramentu remata maka ami bele retira,”Eucledis.
