Setembru, Air-Asia sei halo Operasaun Dahuluk husi Denpasar Bali mai TL Featured

By Ivonia Varela Jullu 11, 2024 1040
Empreza aviasaun hosi nasaun Indonézia ho naran PT. Indonesia AirAsia, aprezenta ona interese bá Primeiru-Ministru (PM), Kay Rala Xanana Gusmão, hakarak atu espande área operasaun hosi Denpasar-Bali, Repúblika Indonézia mai Dili, Timor-Leste (TL). Palasiu Governu, (08/07/24). Foto:Media GPM. Empreza aviasaun hosi nasaun Indonézia ho naran PT. Indonesia AirAsia, aprezenta ona interese bá Primeiru-Ministru (PM), Kay Rala Xanana Gusmão, hakarak atu espande área operasaun hosi Denpasar-Bali, Repúblika Indonézia mai Dili, Timor-Leste (TL). Palasiu Governu, (08/07/24). Foto:Media GPM.

DILI: Empreza aviasaun hosi nasaun Indonézia ho naran PT. Indonesia Air-Asia, sei halo operasaun dahuluk hosi Denpasar-Bali, Repúblika Indonézia mai Dili, Timor-Leste (TL) iha inisiu fulan-Setembru.

Reprezentante Air-Asia, Edwin hatete, hasoru malu ho Primeiru Ministru atu aprezenta sira-nia interese hakarak atu halo operasaun.
“Ami mai hasoru-malu ho Primeiru-Ministru hodi aprezenta ami-nia interese hakarak atu haluan ami nia área operasaun. Iha ami-nia planu, hakarak semo hosi Denpasar mai Dili iha inísiu fulan setembru,” Reprezentante AirAsia ho naran Edwin, liu husi komunikadu ne’ebé online INDEPEDENTE asesu, segunda (08/07/2024).
Empreza aviasaun ne’e mós iha esperansa boot bá prosesu hotu-hotu sei la’o ho lalais atu bele realiza duni voo dahuluk iha inísiu fulan setembru, nune’e bele tula mós pasajeiru sira hosi Ázia ne’ebé hakarak atu partisipa hodi asiste vizita Papa Francisco mai Timor-Leste.
Xefe Governu rekomenda bá PT Indonesia AirAsia atu koordena ho Ministériu Transporte no Komunikasaun (MTK) Timor-Leste atu bele trata asuntu ne’e, nune’e bele realiza planu espansaun operasaun mai Díli.
Air-Asia hanesan kompaña aérea ho servisu kompletu iha tinan 1993 no hahú operasaun iha loron 18 fulan-novembru tinan 1996 to’o ohin loron.

Rate this item
(0 votes)

Independente Digital TV