CLN sei sosa produtu lokál husi Kooperativa sira Featured

By Ivonia Varela Jullu 10, 2024 962
Sekretaria Estadu Kooperativa (SEKoop) kordena ho Sentru Lojistika Nasional (CLN, sigla Portugés) hodi hasa’e produtu lokál ne’ebé prodúz husi kooperativa sira iha Timor-Leste. Foto:Media Gabinete SEKoop. Sekretaria Estadu Kooperativa (SEKoop) kordena ho Sentru Lojistika Nasional (CLN, sigla Portugés) hodi hasa’e produtu lokál ne’ebé prodúz husi kooperativa sira iha Timor-Leste. Foto:Media Gabinete SEKoop.

DILI: Sekretaria Estadu Kooperativa (SEKoop) kordena ho Sentru Lojistika Nasional (CLN, sigla Portugés) hodi hasa’e produtu lokál ne’ebé prodúz husi kooperativa sira iha Timor-Leste.

Sekretariu Estadu Kooperativa (SEKoop), Arsénio Pereira da Silva hatete, CLN halo mós kompra ba iha produtu lokal sira, tan ne’e SEKoop nia papél atu fasilita movimentu koperativa sira atu hasa’e produsaun iha rai laran.
“Ita hatene katak Sentru Nasionál Lojístika mós halo kompra ba iha produtu lokál, SEKoop fasilita kooperativa sira iha Timor laran tomak oinsá atu halo produsaun bazeia ba programa ne’e, ida ne’e enkontru inisiál ne’ebé ami atu fó hanoin ba malu kona-bá saida mak CLN atu halo hodi kompra ba iha produtu lokál sira ne’e,” dehan Arsénio iha Salaun SEKoop Akait, Tersa (09/07).
Governante ne’e hatutan, husi parte SEKoop nian, antes ne’e fó hanoin ona ba Ministériu Koordenadór Asuntu Ekonomiku, oinsa mak CLN bele halo kompra ba iha produtu kooperativa sira.
Tan ne’e, SEKoop sei haree koperativa hira mak CLN atu halo kompra, tanba dadaun ne’e SEKoop iha kooperativa husi Bafo Kay-Rala
“SEKoop iha produsaun oioin maibé dadaun ne’e ami iha koperativa nia produsaun prima mak Bafo Kay-Rala, ne’ebé agora dadauk ami produs barak,” dehan SEKoop.
Prezidente CLN, António de Araújo Soares hatete, governu iha programa atu halo produtu lokal tan ne’e oinsa CLN atu haree parte agríkola nia partisipasaun ba iha programa ne’e.
Tanba programa ne’e nia intensaun atu fó insentiva ba agrikola sira atu nune’e produtór sira bele hasa’e sira nia produtu.
“Governu rasik iha program aida ne’e mak hola produtu lokal, oinsamak ita atu agrikola sira iha koperativa nian partisipasaun bai ha programa ne’ebé governu tau tiha ona, governu nia intensaun oinsa atu fó intensiva ba produtor sira oinsa bele hasa’e sira nia produsaun,” dehan Prezidenre CLN.
Enkuantu, ba asuntu ne’e parte rua sei hare iha parte tékniku nia atu kria nota entendimentu ida nune’e ba oin bele la’o tuir de’it.

Rate this item
(0 votes)
Last modified on Kuarta, 10 Jullu 2024 18:18

Independente Digital TV