Sekretáriu Estadu, Domingos Mariano Reis iha ninia mensajen husu ba funsionáriu Protesaun Sivil atu unifika forsa hodi servi populasaun ho dignu.
"Ami-nia misaun fó asisténsia umanitária, atu servi no proteje populasaun sira hosi ameasa dezastre kadastofes, funsionáriu hotu unifika forsa hodi fó atendimentu ba populasaun sira, ho dignu no garantia ben estar povu TL," dehan Sekretariu Estadu liu husi Komunikandu APC Iha Komoro, Sesta (28/07).
Governante ne’e hatutan, liu husi misa agradesimentu ne'e husu tulun ba aman Maromak bele fó matak malirin ba funsionáriu APC hodi unifika forsa ida hodi garantia sutentabilidade dezenvolvimentu APC, hodi bele garantia bem estar ba povu Timor-Leste liuliu ba povu sira, ne'ebe afeita ba kauza dezastre kadastrofes.
"Ho grasa Maromak nian, ami bele hala'o ami-nia misaun ho susesu, pás no domin ba ita-nia populasaun sira ne'ebé afeita dezastre hetan atendementu ho dignu," hateten Governante ne'e.
Sekretraiu Estadu afirma, durante ne'e Protesaun Sivil enfrenta dezafiu liga ba rekurus umanu, finanseiru, fasilidade, maibé ida ne'e la signifika sai bareira ba misaun Protesaun Sivil, sai hanesan esperiénsia no referénsia oinsá atu prepara planu ida adekuadu no propriadu atu hateke ba oin, hodi apoiu programa iha futuru.
Maibé nafatin fiar ba oin Protesaun Sivil nafatin hala'o misaun nafatin servi no proteje populasaun iha Timor-Leste hosi ameasa dezastre kadastrofes.
"Ita boot sira haree bainhira dezastre ita-nia povu sira afeita dezastre, ami iha momentu ne'e kedas ami tenke atende no evakua sira ba fatin ida ne'ebe seguru hodi garantia kata sira bele moris iha fatin ne'ebe seguru dunik," haktuir SEPC.
Komandante Operasasaun Nasional, Superintendente Asistente Polisia, Nuno Romualdo Gomes hatete, ho misa agradesimentu ida ne'e aman Maromak bele haraik espíritu sabedória no matenek ba membru no funsionariu tomak APC hodi hala'o knaar ho di'ak, profesionál no responsabilidade.
Segundu Lideransa APC ne'e husu ba kargu xefia no funsionariu sira, atu hatudu pofesionalizmu, fó liman ba malu, servisu hamutuk atu kontribui di'ak liutan APC hodi servi povu no nasaun ida ne'e.
"Ha'u hanesan Komandante Operasiona APC hakarak fo hanoin ba kargu xefia no funsionáriu tomak mantein ita-nia profesionalizmu, ita-nia espiritu patriotizmu hadomi ita-nia nasaun, hadomi ita-nia instituisaun APC, hatudu ita-nia esperitu nasionalizmu fo liman ba malu, servisu hamutuk, labele iha hanoin ida, arogansia ida katak hau mak bele, nia labele, ami mak bele sira labele, ita hotu hamutuk kontribui di'ak liu tan ba iha dezenvolvimentu insitituisaun APC liu husi ita-nia misaun prinsipal sira garante salva vida ba ita-nia instituisaun, ba sira-nia riku soin, estadu no nasaun.
Enkuantu, funsionariu Protesaun Sivil ne’ebé dadaun ne’e halao servisu iha APC hamutuk 718 ne'ebe kobre iha territoriu TL tomak, inklui postu administrativu to'o suku.