Sekretáriu Estadu Ensinu Sekundáriu Jerál no Ensinu Sekundariu Tékniku Vokasionál, Domingos Lemos Lopes hatete, ezame hanesan pasu ida ne’ebé atu haree estudante sira-nia dezempeñu no aproveitamentu durante períodu ida nia laran.
Tanba ne’e, husu ba estudante sira iha Timor laran tomak atu konsentra didi’ak, atu nune’e ezame segundu períodu bele hetan rezultadu di’ak.
“Ezame ne’e pasu ida atu haree ba estudante sira-nia dezempeñu no aproveitamentu durante periodu ida nia laran tanba ida ne’e mak husu ba estudante sira hotu iha Timor laran tomak presiza konsentra didi’ak no estuda atu nune’e iha ezame segundu períodu ne’e hetan rezultadu ne’ebé di’ak bele prense lisaun sira ne’ebé sira simu durante iha eskola ho manorin sira, nune’e sira bele inseita ba sira-nia futuru ne’e la’o diak,” dehan Sekretáriu Estadu iha KFP Matadoru, Sesta (28/07).
Governante ne’e mós husu ba estudante hotu-hotu, hakmatek iha fatin hodi tuir ezame segundu períodu.
Nia dehan, espera katak direjente sira iha iha eskola sei organiza eskola ne’ebé sira iha ba atu nune’e izame bele la’o di’ak.
“No Espera katak durante períodu ida nia laran prosesu no ezame hotu la’o di’ak, ho lideransa eskola sira ne’ebé foun sei organiza di’ak eskola sira ne’ebé mak lideransa sira iha ba,” nia hakotu.