Sekretáriu Estadu Protensaun Sivil, Domingos Mariano Reis hatete, iha semana kotuk SEPS entrega ona matérial rekuperasaun ba vitima dezastre naturais hamutuk 146 husi postu administrativu lima, hanesan Railaku, Atsabe, Hatolia A, Hatolia B no Letefoho.
“Papél governu nian mak atu apoiu rekooperasaun ba vítima ne'ebe mak afeita ba dézastre naturais, no SEPS husu ba família vitima sira-ne'ebe mak simu matérial rekuperasaún ne'e, tenki hari duni uma no lábele fa'an arbiru materiál konstrusaun refere, se'e ita boot sira fa'an mak ami sei prosesu tuir lei ne'ebe iha,” Dehan Sekretáriu Estadu Protensaun Sivil, Domingos Mariano Reis liu husi Komunikadu Imprensa, ne'ebe INDEPENDENTE asesu, iha Pájina SEPS, Kinta (14/3).
Sekretáriu Estadu Mariano esplika, materiál rekuperasaun ne'e iha kategória tolu,mak hánesan uma né'ebe mak estragús totál, sei hétan matérial konstrusaun no osan $1,000, uma né'ebe mak hetan estragus naton sei hetan matérial konstrusaun ho osan $750 no uma né'ebe mak hetan estragus kaman sei hetan matérial konstrusaun osan $600.
“Totál orsamentu ne'ebe apoiu ba vítima uma-kaín 110 ne'e hamutuk $95.900.00 no uma-kain 110 mak afeita ba dézastre naturais ho kategória hanesan estragús total 65, estragús kaman 19, estragús médiu 26,” Nia informa.
Iha fatin hanesan Admistrador Postu Administrativu Ermera hato'o agradese ba Governu liu husi SEPS, tanba hatudu servisu ne'ebe mak ho responsávilidade ba vítima afeitadu sira.
“Hau agradese tebes tamba ohin Sua Exelensia Secretario Estado Protesaun Sivíl bele to'o direta mai iha fatin ne'e hodi apoiú materiál konstrusaun ba vítima síra iha munisipiu Ermera, Governante ita hare servisu ho responsabilidade duni ba povu no nasaun,” Nia relata.
Aleinde mos komandante Autoridade Protesaun Sívil Munisipiu Ermera, Antonio da Costa Babo,husu ba família vitima ne'ebe mak simu matérial rekuperasaun atu hari uma no labele fa'an arbiru materiál sira no sei sei kordena ho lider komunitariu sira halo monotorizasaun masimu ba uma sira ne'ebe mak hetan matériál rekuperasaun husi Governu, atu nune'e bele hatene lolos benifisiariu hira mak harii duni uma no hira mak seidauk harii.
