Diretór Ezekutivu PDF, Ferdiano Gusmão hatete, sentru formasaun PDF hanesan sentru ida ne’ebé mai ho nia estatutu rasik hanesan asosiasaun ne’ebé ho nia misaun no vizaun rasik hodi hetan lejitimidade husi Ministeriu Justisa (MJ)  inklui INDIMO no FONGTIL.

Diretor dehan, sentru formasaun ne’e iha nia programa rasik mak hanesan, edukasaun, saude no agrikultura, maibé husi programa sira ne’e, PDF ezekuta de’it mak edukasaun tanba ligadu ho situasaun sira iha rai laran ne’ebé dadauk ne’e ema hotu infrenta.

“Nune’e, ohin, sentru formasaun PDF fahe sertfikadu ba formandu sira ne’ebé remata ona formasaun durante fulan neen ba formasaun lian Korea no Japaun enkuantu bá Lian Inglés fulan tolu,”dehan Diretór Ezekutivu bá jornalista sira iha Salaun Sentru PDF Serojas Komoro,” Kuarta (18/12).

Diretór ne’e hatutan, formadu sira iha lian Inglés ne’e mai husi Sekretaria Estadu Formasaun Profisionál no Empregu (SEFOPE), ne’ebé hetan valor exelente, poor no very poor, tan ne’e sira bá hodi aumenta tan sira nia kapasidade iha sentru refere.

Prezidente Asosiasaun Misaun Atigus Kombatentes (AMAC), José do Santo “Komadante Labarik” hatete, uluk sira luta ba ukun rasik an  liu ona, tan ne’e nia husu ba jovem sira atu kontinua luta bá dezenvolvimentu nasional.

Entretantu, Sentru Formasaun PDF nia ezistensia hahú iha tinan 2019, ne’ebé konsege kapasita ona juventude lubuk ida, hodi kompete iha mundu traballu.

Nune’e, jovem sira ne’ebé remata sira nia formasaun iha sentru refere maioria bá servisu iha Korea no Australia.

Aleinde, liu husi sentru formasaun refere, iha mós joventude balun ne’ebé konsege ba halo ona estudu komparativu iha Japaun.