Diretór Gabinete Relasaun Externa no Komunikasaun iha APC, Anacleto Caitano hetete, dezastre naturas ne'e akontese iha munisipiu hitu mak hanesan, Baukau, Bobonaro, Dili, Likisa, Manufahi, Vikeke inklui Rejiaun Administrativa Espesial Oekusi Ambeno (RAEOA).

“Ohin kontinua atualiza informasaun liga ba dezastre ne'ebé akontese iha teritoriu laran tomak durante semana ida nia laran, ne'ebé akontese ho tipo oioin no total vitima dezastre hamutuk 25 Xefe familias,” dehan nia iha Sala Konferensia APC, Kaikoli, segunda ne’e (04/09).

Nia dehan, uma kain 25 ne’ebé hetan estragus husi dezastre naturais kompostu husi Munisipiu Baukau, iha uma ualu, Bobonaro iha uma rua, Likisa uma rua, Dili uma rua, Vikeke iha uma tolu, Manufahi iha uma rua no mós RAEOA iha uma neen.

 Entretantu, Diretór ne’e hatutan, tipu dezastre naturais ne'ebé akontese mak hanesan, rai halai, rai nakdoko, ahi han uma no mós anin boot.

Enkuantu, ba akontesimentu hirak ne’e, Autoridade Protesaun Sivil halo ona intervensaun hodi fó apoiu emerjensia ba vitima sira ne’e.