Vizita ofisiál ne’e hodi partisipa iha enkontru nivel altu Association of Southeast Asian Nation (ASEAN) nasaun sira membru Sudeste Aziátiku nian ka ASEAN ba dala-43 iha Jakarta-Indonézia.

Xefe Governu, reprezenta Timor-Leste partisipa iha semiera ASEAN nian ne’ebé sei partisipa direita hosi Xefe Estadu no Xefe Governu Nasaun 26 ne’ebé sei realiza iha loron 05 to’o 07 Setembru 2023.

Iha Jakarta, PM Xanana sei partisipa mós ekontru ASEAN Business & Investment Summit 2023 ne’ebé partisipa hosi orador no lideransa ASEAN no setór privadu ne’ebé s sei lansa hosi Ministru Investimentu Repúblika, Indonézia Zilkifli Hasan no Sekretariu Jerál ASEAN, Kao Kim Hourn.

Primeiru-Ministru Xanana ho delegasaun VicePrimeiru-Ministru-1, Fransisco Kalbuadi Lay, Ministru Negosiu Estranjerus no Kooperasaun (MNEK), Bendito dos Santos, Ministru Interior, Fransisco da Costa Guterres, no Embaixadór José António Amorin Dias sei hala’o enkontru ho Prezidente Repúblika, Indonézia Joko Widodo no hasoru malu ho lideransa ASEAN sira.

“Ohin (horseik) sai ba Jakarta atende Prezidente Jokowi mak konvida atu ba tuir semeira ASEAN ne’ebé to’o aban mak Xefe Estadu no Xefe Governu rai seluk sei ba no dader ne’ebá oras 15:00 sei ba tuir enkontru ASEAN Business no Investment Summit 2023 no lokraik sei hasoru malu ho Prezidente Jokowi hodi hasoru lider hotu-hotu,”dehan PM Xanana ba jornalista iha Aeroportu Internasionál Nicolau Lobato, Komoro Dili.

Tuir agenda, iha loron tersa-feira (05/09/23) sei partisipa kedas kontru ASEAN Sammit hodi rona esperensia nasaun seluk nian no sei kontinau hasoru malu kedas ho Sekretariu Jerál Nasoes Unidas (ONU) no xefe estadu no xefe governu rai seluk.

Partisipasaun Timor-Leste iha enkontru ne’e sai nu’udar obserbador hodi rona no aprende esperensia hosi lideransa ASEAN sira hodi hein agenda Timor-Leste sai membru iha tinan 2024.

Tuir ajenda tentativa, durante iha Jakarta, Xanana sei hala’o entrevista ho jornalista nasaun membru ASEAN hodi husu pozisaun Timor-Leste kona-ba kazu junta military Myanmar nian.