Xefe Seksaun Komunikasaun-APS, Nelson Orleans Nunes hatete, durante semana ida nia laran APS rejistu komunidade nia uma hamutuk 225 ne’ebé afeita dezastre naturais.
Nia dehan, dezastre ne’ebé akontese iha tipo tolu hanesan, ahi -han uma, inundasaun, ahi-han inklui konfrontu sosial.
“Totál númeru afeitadus 323, liliu iha munisípiu sira hanesan tuir mai, Munisipiu Ainaro anin sobu uma ida, Baukau konfrontu sosiál estraga uma 13, Kovalima bee tama uma 171, Manufahi bee sae uma 36, Vikeke anin sobu-uma ida no ahi-han uma ida, no RAEOA anin-sobu uma rua,” dehan Xefe Seksaun iha Salaun Konferensia APS Kaikoli, Segunda (03/06).
Xefe Seksaun afirma, husi família ne’ebé afeita ba dezastre naturais APS munisípiu sira halo apoiu emerjénsia ba vítima sira hanesan food item no la’os food item.
Enkuantu, hahú husi Janeiru to’o Junho 2024 APS rejistu ona vitima ne’ebé afeita ba dezastre natuais husi tipu oioin ne’ebé akontese iha tertoriu laran tomak hamutuk rihun ida resin.