Xefe Gabinete Relasaun Externa no Komunikasaun, Cesário Da Silva Marques hatete, durante semana ida hahú husi loron 16 to’o loron 23 fulan setembro tinan ne’e, dezastre ne’ebé akontese iha tipu tolu hanesan anin-sobu, inséndiu no inundasaun ne’ebé halakon ema ida lakon vida no na’in rua hetan kanek.
“Hahú husi loron 16 to’o loron 23 fulan setembro tinan 2024, tipo dezastre ne’ebé rejistu, mak hanesan anin sobu uma 31, ahi-han uma ida, mate ida no kanek rua,” dehan Xefe Gabibete iha Salaun APC Kaikoli, Segunda (23/09).
Xefe Gabinete ne’e hatutan, uma 32 ne’ebé hetan estragus, kompostu husi Baukau uma 27, Kovalima uma ida, Dili iha Uma tolu no Vikeke iha uma ida. Husi numeru ne’e, total populasaun ne’ebé afeitadu ba dezastre naturais hamutuk 181.
Entretantu, husi vítima hirak ne’e, Autoridade Protesaun Sivil fó ona ápoiu emerjensia hanesan ai-han no la’os ai-han.
Enkuantu, kona-bá ápoiu rekuperasaun, ekipa husi APS sei halo reverifikasaun ba dadus hirak ne’e hodi define fali ba kategori sira ne’ebé iha, hafoin fó apoiu materia rekuperasaun.
