Diretór Jeral SEFOPE, Carlito do Rosario Cabral hateten, Sekretariu Estadu Formasaun Profesional no Empregu (SEFOPE) realiza komemorasaun dia 01 fulan Maio tinan 2024 iha loron mundial ba traballador sira nian.
"Komemora loron mundial ba traballador sira husi SEFOPE organiza hodi doasaun ran ajuda maluk sira ne'ebé moras iha hospital iha fatin sira ne'ebé deit presiza ran hodi salva ita nia maluk sira ne'ebé hetan moras," Dehan Nia ba Jornalista sira iha salaun SEFOPE Kaikoli, Segunda (29/04)
Doasaun ran ne'e SEFOPE konvida empregador ho traballador sira, funsionariu SEFOPE nia rasik tanbá doasaun ran ne'e karakter voluntariu, karik balun sente la saudavel sei la obriga tanbá ne'e bele afeta ba ninia saude.
Kuaze empregador sira iha Dili laran konvida hotu no sira nia representante mai doasaun ran, no mos SEFOPE halo karta ofesial ba F-FDTL nia hodi mai iha SEFOPE kontribui liu-liu doasaun ran nia
"Loron 1, fulan-Maiu, hanesaan loron Mundial Traballadór sira nian, Tanbá ne'e mak tinan-tinan ita sempre Komemora" dehan Diretór Jerál, Carlito Rosário Cabral
Diretór Jerál Carlito informa, iha komemorasaun ida ne'e, SEFOPE organiza uluk Doasaun Ran, hodi ajuda ba maluk sira ne'ebé mak moras no presiza tebes ran iha hosiptal,entaun SEFOPE Liuhosi Diresaun Nasionál Rellasaun traballu,hodi organiza Doasaun ran ida ne'e.
Iha fatin hanesan, representante Departamentu Plovotomista Enfermeiru, Arsenio Afonso hatene, fo ran salva moris benefisiu bainhira hala'o ona doasaun ran hanesan sente isin kman no hamenus risku stroke ho moras fuan atu nune'e sirkulasaun ran diak, hakman servisu fuan nian.
Reprodusaun ran foun Doasaun ran ho regular kada fulan 3 ba mane no kada fulan 4 ba feto, bele ajuda stimula reprodusaun ran foun. Doasaun ran regular hanesan mos kontrola saúde/Check Up.
Sai ema ne'ebe saudavel kona-ba doasaun ran ho regular ajuda ona ema seluk nia moris, doasaun ran ho regular, ita nia saúde sei saudavel.
Hasae reprodusaun ba ran foun ho benefisiu hala o doasaun ran ho regular bele azuda hodi stimula reprodusaun ba ran foun. Hatun Kolestro benefisiu seluk husi doasaun ran ho regular mak bele azuda atu hamenus colestro tha ita nia isin.
Kona-ba doasaun ran tenke kondisaun saúde diak deskansa normal, oras 8 antes hala'o doasaun ran ho idade 18 too 60 ho todan 45 Kg ba leten no mos la hala'o tratamentu kualkuer ba moras ruma La hemu tua ho Droga.
Hanesan tensaun ho Systolic, 110-150 mmHg Distolic, 60-90 mmHg Hemoglobina, Mane/Feto: 12,5 gr/%
Espesefiku ba feto la ho kondisaun mestruasaun no se karik post loron 7, la ho kondisaun isin rua/Pregnancy (-) , la ho kondisaun fo susu ba bebe donor interval Kada fulan 3 ba mane - Kada fulan 4 ba feto.
