DILI: Hafoin hala’o vizita durante loron tolu iha Timor-Leste, sábadu kalan (31/08/24), Sekretáriu-Jerál Organizasaun Nasaun Unidadas (ONU), António Guterres fila hikas bá Nova Iorke ho haksolok.

Iha Vizita ikus ne’e, Sekretariu Jerál Antònio fahe mós tempu hodi hasai fotografia hamutuk ho Timoroan sira iha salaun VIP nu’udar memoria importante no halo Timoroan sira orgullu, tanba durante vizita, iha loron ida antes, António Guterres hetan rekoñesimentu nu’udár sidadaun Timor.

Nu’udar sidadaun Timor-Leste, António Guterres hato’o agradesimentu ba Estadu no Povu Timor-Leste ninia apresiasaun no ospitalidade durante vizita hodi marka momentu signifikativu iha relasaun entre Timor-Leste no Nasaun Unidas, reforsa ligasaun istóriku ne’ebé hakmatek nasaun ida-ne’e ho komunidade internasionál.

Antònio Guterres mós sente orgullu bainhira fila sai aviaun Timor-Leste, Aero Dili, hala’o viazen hosi Dili voo direta Singapura.