Sekretariu Estadu Kooperativa, Arsénio Pereira hateten, lansamentu kuda bafo Kayrala hahu iha Munisipiu Lautem, maibe koileta dahuluk hahu ona iha Oekusse no agora koileta ba dala rua ona.
"Ami koleta dahuluk hahu iha loron Monu, mai iha rai klaran mak ba munisipiu tomak, para ita alerta ne'e laos iha fatin ida deit, maibe ita hakarak ne'e bafo Kayrala povu kamponeses iha munisipiu kuda hotu produtu ida ne'e," dehan Arsénio ba Jornalista sira, hafoin koleta Bafo Kayrala iha suku Guisu (01/02).
Nia informa, Koitela ida ne'e sei prepara mós ba fini no balun bele halo prosesu produsaun atu Konami direita produtu saida mak povu kuda.
"Produtu Bafo Kayrala ne'e ita halo ona lansamentu nasional nu'udar produtu Kooperativa foin lalais iha Dili ofisialmente informa ba povu katak kuda saida mak ita han no han saída mak ita kuda," informa nia.
Nia hatutan, dadaun ne'e konsumidores barak kontaktu Husi munisipiu hakarak foti produtu ne'e atu kuda hanesan Fátima no dia atu sira bele konsumu fali no balun bele transforma na produtu sira seluk.
"Produtu ida ne'e ita foin koileta ita mós tenki prepara fatin hanesan makina produsaun, tanba bafo Kayrala lolos ita laos foti nia isin mesak, maibe ita tenki teso iha Hun, para moris fali tinan ida ita koleta dala tolu," informa nia.
Nia afirma, bafo Kayrala nia kain sira ne'e ba oin sei koileta hotu halo produsaun sai fali mais midar ho jus ikus mak produs fali ba animal sira nia hahan.
"Bafo Kayrala ne'e bainhira ita koileta halo produsaun sei fo resultadu barak ba ita atu konsumu no hahan ba animal sira ne'ebé ita hakiak," tenik nia.
Iha fatin hanesan Sekretariu Jeral movimentu Kamponeses Timor-Leste (MOKATIL), Munisipiu likisa Manuel Almeida Ramos informa bafo Kayrala ne'e dadaun koileta ne'e fo benefisiu diak ba povu bele han fali produtu ne'ebé kuda, maibe ida ne'e foin hahu prepara ba fini deit seidauk bele konsumu.
"Ida agora ita koileta ne'e ami koileta ne'e seidauk bele han, agora ami sei prepara ba fini, depois ami sei kuda fali 150 hektares iha Munisipiu Likisa," hakotu nia.
