Tuir Sekretáriu Estadu Ensinu Sekundária Jerál no Tékniku Vokasionál, Domingos Lopes Lemos hatete, Ministériu Edukasaun ho manorin na’in sira nu’iudar família boot tanba ne’e mak kolabora hamutuk hodi rezolve problema sira iha Timor-Leste.
“Ne’e mak presiza professor sira ita na’in hira ne’e hamutuk para ita rezolve problema, kestaun de de edukasaun familia boot Ministériu de Edukasaun (ME) husi ministru mai to’o iha professor sira ita iha grupu ida para ita bele rezolve situasaun sira hanesan ne’e,” dehan nia ba jornalista sira hafoin vizita eskola ensinu tékniku vokasionál Becora, kinta (01/02)
Problema hirak ne’ebé mak oras ne’e dadaun edukasaun hasoru mak, oinsá atu muda estatutu manorin na’in voluntáriu no kontratadu inklui aumenta pagamentu retroativu ba profesór permanente sira iha Timor laran tomak.
Nia husu, atu hamutuk ba manorin na’in sira atu hamutuk hodi esklarese ba malu entre problema manorin na’in iha Timor-Leste.
“Klaru ke buat mak ita tenke esklarese ba malu hanesan professor sira tenke esklarese ba malu kestaun ita atu legaliza estatutu ida tebke bazeia ba lei labele halo tuir ita nia vontade no tuir ita nia desizaun rasik ne’ebé tuir lei, ne’ebé haruka ita halo,” nia esplika.
Iha polémika boot ba edukasaun iha Timor-Leste mak Ministériu Edukasaun anunsia katak, iha loron 31 fulan-Dembru tinan 2023 hakotu kontratu ho manorin na’in kontratadu sira, tanba ideia mosu pro-kontra mak manorin na’in sira deside halo demonstrasaun hasoru Ministériu edukasaun hodi ezije estatutu profesór kontratdu nian.
