“Tuir programa IX Governu konstituisional liu husi setór komunikasaun sosial tau liu prioridade ba oinsa atu fortifika no kualidade informasaun la'os de'it iha sidade maibé to'o iha suku. Ho meius komunikasaun ne'e bele lori liu informasaun ba povu sira, la'os de'it atu hatene dezenvolvimentu iha suku, Postu Administrativu no iha Munisipiu maibé husi mós nasionál no rai liur," dehan nia iha Suku Uai-Laha, Venilale, sabado (15/09/23).

Governante afirma, tanba ho avansadu téknolojia ne'e, IX Kontinua Konstituisional  kontinua programa IIIV Governu nian ne'ebé antes ne'e ho naran Naroman ba Suku.

Maibé iha Polítika IX Governu muda fali naran ba Sentru Informasaun Suku.  Tan ne'e SEKomS konsege kria ona sentru informasaun Suku hamutuk 26 no Radio Komunidade 18.

Sekretáriu Estadu Komunikasaun Sosial dehan, maske Governu ne'e foin hahú maibé sei sei tau atensaun ba iha sentru informasaun ne'ebé atu orienta ba iha dezenvolvimentu suku.

Nia dehan, hanesan Governu la promete maibé, sei tau matan nafatin ba komunidade sira iha espasu ekipamentus no formasaun kursu inkliu mós fó formasaun ba rekursu humanu ne'ebé atu jere sentru Informasaun iha Suku hotu-hotu.

Iha fatin hanesan,  Xefe Suku Uai-Laha Rafael Guterres senti orgullo ba inagurasaun refere, tanba media ne'e importante tebes.

Nia dehan, inaugura iha Suku Uai-Laha ne'e la signifika informasaun ne'e ba Suku Uai-Laha de'it maibé  ba populasaun tomak ne'ebé hakarak bele hatun nia informasaun, tanba sentru refere legal ona husi Ministeriu.

"Ha'u sempre halo monotorizasaun ba ba SISU tanba durante ne'e ami servisu halo kooperasaun, buat ruma persiza kordena malu ne'e importante," dehan Xefe Suku.

Xefe hatete, iha SISU iha ona ekipamentus Leptop no komputador maibé ida ne'e de'it seidauk kompletu, tan sira sei presiza tan Projetor, kameran no transporte tanba ita Postu Administrativu Venilale iha Aldeia 32 ne'ebé balun distansia dook husu Sentru refere.