Ministra Solidariedade Sosial no Inkuzaun Veronica das Dores hatete, politika IX Governu nia kona-ba programa planu asaun nasional sei kria sentru rehabilitasaun ba Ema ho Defisiensia iha Postu Administrativu sira hotu.
Nia dehan, iha diskursu Primeiru Ministru Kay Rala Xanana Gusmão nian iha momentu simu pose haktuir katak, programa planu asaun nasional iha IX Governu tenki halo sentru rehabiltasaun iha postu sira no mós halo lei ba protesaun sosial.
“Tenki harii Sentru rehabilitasaun, ita hotu hatene iha programa IX governu nian koalia hotu, entaun ita presiza halo lei protesaun sosial no inkluzaun hotu no enkaixa mós ba EhD,” dehan Ministra iha Suai Room Timor-Plaza, Sesta (15/07).
Iha fatin hensan, Diretór Raes Hadomi Timor Oan (RHTO) João Zito do Santos hatete, governu nia komprimisiu atu kria Sentru Nasional Rehabilitasaun iha munispiu sira ne’e programa ida ne’ebé diak tebes.
Tuir nia, estabelesementu Sentru Nasional Rehabilitasaun iha munisipiu sira ne’e atu bele atende lalais nesesidade ema ho defisiénsia sira nian.
“Hanesan organizasaun defisiénsia apoiu no aseita tebes, tanba bainhira sentru rehabilitsaun iha munispiu sira iha ona, fasil ona atu atende Ehd, atu labele transporta nafatin ba Dili,”dehan nia.
“Se harii sentru rehabilitasaun ne’e diak liu, ha’u hanoin diak liu, tanba EhD barak liu mak konsentra deit iha sentru Dili,”tenik nia.
Entretantu, RHTO mós aseita tebes programa ida ne’e, tanba ho hanoin ida ne’ebé lori sentru ne’e ba iha munisipiu, iha rejional sira, nune’e fasil ba EhD sira, hodi labele transporta tan mai iha Dili.
