SEKomS hakarak Média Nasionál Nakloke Ba Públiku Hanesan Universidade Featured

By Ivonia Varela Fevereiru 09, 2024 1313
Sekretaáriu Estadu Komunikasaun Sosiál, Expedito Loro Dias Ximenes. Foto:Media SEKomS. Sekretaáriu Estadu Komunikasaun Sosiál, Expedito Loro Dias Ximenes. Foto:Media SEKomS.

DILI: Sekretariu Estadu Komunikasaun Sosial (SEKomS), nia hakarak Média Nasionál hotu atu sai hanesan universidade aberta ba públiku, atu nune’e públiku bele aprende Polítika, Ekonomia, Sosiál no kulturál ne’ebé mak públika ona.

Sekretaáriu Estadu Komunikasaun Sosiál, Expedito Loro Dias Ximenes hatete, média tenke sai universiade aberta katak média tenki sai fatin ne’ebé públiku bele aprende kona-ba polítika, Ekonomia, Sosiál no kulturál.
“Média tenke sai universidade aberta katak média tenki sai fatin ne’ebé públiku atu bele aprende, la’ós de’it ba universidade sira atu aprende oin ho oin maibé média nia públikasaun no servisu loloron ne’e tenki sai universidade nakloke ba públiku tomak, kona-ba polítika, Ekonomia, Sosiál no kultural liu husi média,” dehan Sekretariu Estadu iha Salaun Rede Feto Kaikoli, Sesta (09/02).
Nia dehan, moris iha mundu média, oras ne’e dadaun la’ós média konvensionál de’it mak importante maibé plataforma online ne’ebé moris no buras mak iha Timor-Leste no mundu tomak hatudu katak la’os ona jornalista ida mak sai produtor ba iha informasaun.
Maibé iha ema ida-idak ne’ebé iha telemovel android, hotu-hotu sai produtr ba informasaun, no diferensai ida ne’ebé sai iha jornal, radio no televizaun ne’e liu husi prosesu edisaun, no ida ne’e halo notisia rasik iha telemovel dala barak hamosu hoax.

Tanba ne'e, média tenki sai ajente transformadór ne’ebé transfoma mentalidade, ne’ebé presiza muda mentalidade tan ema hotu hatene katak agora moris ona iha era dizitalizasaun.
“Agora la’os ona atu uza sura tahan mak kontaktu malu, maibé buat hotu liu husi whatsApp, kontaktu malu liu husi elektróniku entaun ne’e mudansa ida ne’ebé ita tenki adapta ho situasaun ida ne’e,” hakotu nia.

Rate this item
(0 votes)
Last modified on Sexta, 09 Fevereiru 2024 17:26

Independente Digital TV