Enkuantu, husi númeru ófisial mídia no protoku na’in 45 ne’e kompostu husi mane na’in 33 no feto na’in 12.
Sekretáriu Estadu Komunikasun Sosiál Expedito Dias Ximenes, hatete, iha programa nonu governu konstituisional, iha tinan lima nia laran iha área komunikasaun sosial, iha programa ida mak atu fortifika kapasidade ba ófisial mídia no prokolu sira nian.
Governante ne'e dehan, Objetivu husi formasaun ne’e atu hakbiit koñesimentu ofisiál mídia no komunikasaun relasaun públika no protokolu iha liña ministeriál sira hodi hadi’a kualidade servisu iha publikasaun informasaun sira kona-ba programa, atividade no servisu governu nian no fasilita komunikasaun relasaun públika interna no externa iha organizasaun administrasaun públika.
“Formasaun ida ohin foka liu ba papel mídia ofisial no protokolu, oinsa sira bele hala’o sira nia funsaun ho diak, tanba protokulo ho mídia officer, sira nia funsaun hanesa deit. Protokulu ne’e ita hare liu ba étika no moral no mídia officer halai liu ba étika no profissionalismu,”dehan nia iha serimonia abertura formasaun ba ófisial mídia no protokolu sira iha salau PCM, Palasiu Governu, segunda (23/10).
Tuir SEKomS, protokolu nia funsaun mak sé bainhira ministru ida iha ajenda ruma protokulo mak iha oin, no mídia officer sira nia funsaun mak atu dezemina informasaun, tanba ne’e sira tenke servisu hamutuk.
Iha biban ne’e, Sekretáriu Estadu Komunikasaun Sosiál mós husu ba ófisial mídia no protokulu sira atu prepara mós dadus ruma atu bele fasilita governante balun bainhira hetan estrevista ka jornalista sira.
Diretór Jerál CEFTEC, espera katak, ho formasaun ne’e bele hasae’e liu tan kuiñesimentu ofisial mídia no protokolu sira nian.
Entretantu, formasaun sei hala’o durante loron-sanulu (10) ho oras-haat-nulu (40).
Enkuantu, materia ba formasaun ?????á? ?í??? mak hanesan, hakerek testu ba publikasaun iha pájina ofisiál ministériu,, elabora komunikadu imprensa, téknika kriasaun fanpage ofisiál ministériu no téknika hasai fotografia no edisaun fotografia.
