Kazu soe bebé iha Timor-Leste kada tinan númeru aumenta tanba seidauk iha sensabilizasaun maximu husi entidade hotu liuliu parte Governu no Instituisaun relijioja sira.
Sekretariu Estadu Juventude no Desporto, Abrão Nokosiki iha nia aprejentasaun programa 2021, kinta ohin iha Parlamentu Nasional hateten, programa ne’e hala’o hamutuk ho Sentru Juventude Timor-Leste (SJTL)-Episkopal Dili no dahuluk sei produs modúla kona-ba prevensaun ba inan sira ne’ebé soe bebé no sensabilizasaun ba modúla ne’e.
SEJD prevee osan ba programa tinan 2021 rihun U$80, hodi sensabiliza assuntu saúde relasaun ba eskola sira iha Timor-Leste.
Liuhusi programa sensibilizasaun ne’e atu joven feto no mane sira bele iha koñesimentu oinsa hadok an husi risku.
Nia fiar katak, ho programa saude relasaun ne’e sei implementa husi SJTL oinsa atu prevene hahalok imoral, kontra direitus umanus katak bebé ne’ebé inan soe mós presija moris.
SEJD espera katak ho involvimento Episkopal Dili nian ba produsaun modúla ho lia-fuan ne’ebé nakonu ho moral sei hamaus ema nia fuan hodi la involve iha kazu soe bebé.
