Sektariu Estadu Igualdade Inkluzaun, Maria do Rosario Fatima Correia hateten, haree husi Lei Kontra VD, hamosu mos Planu Asaun Nasional(PAN) no Violensia Bazeia ba Jéneru (VBJ) halo ona revizaun ba datoluk, husi revizaun ne'e ba tinan 10 nian.
Nia afirma, hafoin iha implementasaun (PAN-VBJ) durante tinan 10, tanba ne'e, sei halo tan revizaun datoluk hodi bele aprezenta ba iha KM.
"Ami sei hare ba esforsu SEII nia tanba atu tama ona ba eleisaun parlamentar nian, entaun ami nia tempu ne'e badak, maibé ami nafatin esforsu hamutuk ho Ministeriu Justisa lori ona ninia kalendariu revizaun ba LKVD, tanba iha lei ne'e nia harmoniza ho kodigu penal, entaun mos haruka ona kalendariu legislasaun ba iha Primeiru Ministru sei lori ba KM hodi hetan aprovasaun", dehan nia, hafoin partisipa serimonia lansamentu relatoriu peskija LKVD, iha otel, cite 8, Manleuana, sexta (13/01)
Nia husu ba Ministru Prezidensial Konsellu Ministru (MPKM) atu bele tau mos konsiderasaun ba iha asuntu revizaun Lei Kontra VD hodi tau matan asunto iIgualdade jeneru.
"Ita hotu hatene iha LKVD nia harmonia ho kodigu penal, iha artigu balun ne'ebe mensiona iha lei ne'e mensiona iha kodigu penal, maibe la mensiona ho lei ne'e rasik, exemplu ameasa babain kazu sira ne'ebe akontese iha kontestu uma-laran, maibe ida ne'e ba ho difinisaun ida ne'ebe krime publiku, entaun defende ba keixa, entaun ida ne'e mak ami hare", hakotu nia.
Enkuantu, Lei Kontra Volensia Domestika (LKVD) hahú pasa iha tinan 2010 no mosu ho lei N.07/2010, tanba ne'e, implementasaun lei refere durante tinan 12 ona.
