SEII Reforsa Lideransa Feto Hodi Hametin Partisipasaun Feto Iha Eleisaun Featured

By Gregorio da Costa Setembru 28, 2021 379
Sekretaria Estadu ba Igualidade no Inkluzaun, Maria José da Fonseca de Jesus Monteiro. Foto:INDEPENDENTE. Sekretaria Estadu ba Igualidade no Inkluzaun, Maria José da Fonseca de Jesus Monteiro. Foto:INDEPENDENTE.

DILI: Sekretaria Estado ba Igualidade no Inkluzaun (SEII) hamutuk ho organizasaun feto hala’o workshop nasional kona ba reforsa lideransa feto no mós partisipasaun feto iha politika ba eleisaun hanesan, prezensial, parlamentar, munisipal no suku.

“Nune’e, haree ba partisipasaun feto agora komesa ativu iha prosesu lubuk ona, aliende ne'e hare mós ba aspetu politika feto nia involvimentu makas ona, maske numeru seidauk iha balansu entre feto ho mane ba pusentu 50 (50%),”dehan Sekretaria Estadu ba Igualidade no Inkluzaun, Maria José da Fonseca de Jesus Monteiro, iha salaun Delta Nova segunda horseik (27/09).

Tanba ne’e, SEII iha prosesu dalan ida, atu hakbiit feto nia kapasidade no lideransa, atu feto bele iha brani hodi involve-an iha kompetisaun no mós kandidata sira nia-an iha eleisaun.

Tuir nia, maske iha prosesu dezenvolvimentu feto seidauk atinze 50% entre feto ho mane, maibé iha Parlamentu Nasional feto iha ona 40%.

Nune’e, SEII kontinua prepara jerasaun foun ba loron aban-bainrua hodi kontribui ba independensia ida ne'e, tanba iha partidu ne’ebé iha lideransa mane sira hahú komesa fihir ona feto ne'ebé atu kompete-an iha eleisaun.

Entretantu, Xefe Suku Bemori Cristalina Pereira Soares de Oliveira, hatete, hanesan lideransa feto garante sei sai ezemplo diak ba maluk feto sira seluk hodi kontribui ba servi nasaun.

“Hau hanoin nudar lideransa ba nasaun ida ne'e 100% bele, makse iha Munisipiu Dili sai Xefe Suku  feto foin iha nain tolu,”tenik Cristalina.

Tanba ne'e, nia espera iha tinan oin mai feto barak bele kompete iha eleisaun Xefe Suku no mós kandidata-an ba Prezidente Repúblika.

Rate this item
(0 votes)
Last modified on Sexta, 01 Outubru 2021 15:41

Independente Digital TV