Enkuantu, desizaun ne’e Governu foti hafoin halo analiza klean ba apresentasaun husi Sala Situasaun Sentru Integradu Jestaun Krize (SIJK) kona ba pontu situasaun epidemiolojika iha país.
“Ohin Konsellu Ministru desidi la extende tan serka sanitaria iha Munisipiu Dili, ne'ebé ninia serka sanitaria sei laiha bainhira vijente ne’e hotu, iha tuku 23:59 loron 29 fulan-Setembru tinan 2021,”dehan Ministru Prezidensia Konsellu Ministru, Fidelis Leite Magalhães, iha Palasiu Governu, kuarta ne’e (29/09).
Maske, Governu hakotu ona serka sanitaria, maibé husu ba sidadaun sira atu nafatin iha responsabilidade ba ida-idak nia saúde no familia nia saúde atu kontinua pratika ho rigor uza maskara, fase liman no distansiamentu, ne’ebé hato’o husi Ministeriu Saúde.
Nune’e, Governante ne’e husu ba sidadaun sira no mós funsionáriu sira hotu administrasaun públika nian tenke simu vasina kontra Covid-19.
