SEII-ONU Esforsu Elimina Violensia Hasoru Feto no Labarik Featured

By Agustino Gama Maiu 30, 2023 157
Diretor Jeral SEII, Armando da Costa. Foto: Media SEII. Diretor Jeral SEII, Armando da Costa. Foto: Media SEII.

DILI: Sekretáriu Estadu Igualdade Inkluzaun (SEII) liu husi parseiru prinsipal Organizaun Nasoens Unidas (ONU) no KOICA realiza sorumutu ida hodi diskute projetu 'Hamutuk Igualdade' atu kontinua esforsu elimina violensia hasoru feto no labarik feto iha Timor-Leste.

Diretor Jeral SEII, Armando da Costa, hatete, iha sorumutu ida ne'e, involve parseiru prinsipal hanesan, ONU-KOICA no partisipa husi instuisaun estadu nian oinsa atu ko'alia ba violensia hasoru feto no labarik sira.

Nia dehan, projeitu refere lansa ona iha fulan novembru 2022 durasaun tinan ha'at (4) finansia husi KOICA ho nia vizaun oinsa governu nia esforsu kona-ba prevensaun hodi hatan ba violensia bazeia ba jeneru ne'ebe estabelece ona iha Planu Asaun Nasional (PAN-VBJ) lidera husi SEII.

Nune'e, projeitu refere sei kobre ba Munisípiu alvu haat (4) hanesan, Dili, Baucau,Covalima no RAEOA ne'ebe implementa husi parseiru prinsipal ajensia ONU haat (4) hanesan UN Women, UNFPA, IOM no UNDP.

"Liu husi projeitu ida ne'e, ami servisu hamutuk ho institusaun estadu no autoridade lokal hodi fornese apoiu servisu sira hodi halo melhoramentu kualidade servisu di'ak ba asesibilidade seguru ba ema hotu", dehan nia iha otel City 8, Manleuana, segunda (29/05)

Nune'e, iha sorumutu ne'e hodi diskute asunto rua (2) ida mak aprova relatoriu projeitu ne'e nia implementasaun iha tinan 2022, nune'e mos aprova planu servisu projeitu nian ba tinan ida ne'e nian.

Nia dehan, SEII no ONU sei tau planu servisu iha tinan ne'e, fo enfaze ba asesu justisa VBJ, fornesimentu servisu ba vitima, prevensaun VBJ no koordenasaun, monotoriza no avaliasaun no promove igualdade jeneru iha Timor-Leste atinje ona rezultadu signifikante.

Nune'e, total dadus benefisiariu direita nain 32,833 no benefisiariu indireita nain 177, 278 hetan ona konesimentu esensial no abilidade iha area prioridade sira.

Purtantu nia dehan, tuir dadus DHS 2016 nian, besik metade husi feto kaben nain iha laen ne'ebe ho hahalok kontrolu. Nomos, feto 74% konkorda katak laen bele baku sira nia fen. Ho mentalidade ida ne'ebe sei vizibel iha komunidade sira nia leet maka importante tebes atu foka makas ba VBJ.

Nia haktuir, SEII sei kolabora ho lina ministerial sira hanesan, Ministeriu Edukasaun, saude, MI, MJ, Protasaun sivil, Defensor publika, Autoridade Munisípiu Dili, PNTL, Sosiedade Sivil no seluk tan oinsa mak fornese servisu prinsipal saude, edukasaun, justisa no seluk hodi r responde ba violensia hasoru feto no labarik feto sira.

Iha fatin hanesan, Koordenador Rezidente ONU, Funmi Balagun, hatete, projeitu refere merese hetan apresiasaun husi nivel koordenasaun entidade hotu-hotu ne'ebe la hare iha nasaun barak seluk.

"Inisiativa ida ne'e reforsa lisaun bo'ot, persija apoiu efitivamente promove kolaborasaun ideia hodi alkansa projeitu ne'e hodi kontribui kriasaun ba prevene no responde violensai hasoru feto no labarim feto iha planu asaun nasional nian", katak nia.

Purtantu, Directora Nasional KOICA, Enju Cha, hatutan, projeitu refere sai orgulho ba ha'u tanba projeitu ne'e  esforsu konjunta ho KOICA no SEII inklui ajensia ONU ho nia objetivu responde ba lakunas sira hodi atinje igualdade jeneru no empoderamentu feto iha area oi-oin.

"Ohin ita sei explora oinsa atu implementa projeitu ne'e efitivamente nune'e feto no labarim feti sira bele realiza potensial sira kontribui ba Timor-Leste nia futuru", nia dehan.

Rate this item
(0 votes)
Last modified on Kuarta, 31 Maiu 2023 09:38

Independente Digital TV