SEII Hala’o Enkontru Ho Sua Eminênsia Kardeál Dom Virgílio

Novembru 26, 2024

SEII Hala’o Enkontru Ho Sua Eminênsia Kardeál Dom Virgílio ^Featured

By Saturnina da Costa Outubru 19, 2022 504

Sekretaria Estadu Igualidade no Inkluzaun, Maria do Rosário Fátima Correia, akompaña husi Diretór Jerál-SEII, Armando da Costa, Xefe Gabinete Jesuina de Sousa, ho ekipa, kuarta ne’e (19/10), hala’o enkontru kortezia ho Sua Eminênsia Reverendissima Kardeál Dom Virgílio do Carmo da Silva, iha kna’a fatin Paço Episcopal Lecidere Dili. Foto:Media SEII.

DILI: Sekretaria Estadu Igualidade no Inkluzaun, Maria do Rosário Fátima Correia, akompaña husi Diretór Jerál-SEII, Armando da Costa, Xefe Gabinete Jesuina de Sousa, ho ekipa, kuarta ne’e (19/10), hala’o enkontru kortezia ho Sua Eminênsia Reverendissima Kardeál Dom Virgílio do Carmo da Silva, iha kna’a fatin Paço Episcopal Lecidere Dili.

Tuir komunikadu ne’ebé Online INDEPENDENTE, asesu iha pajina ofisiál SEII, relata, objetivu husi sorumutu ne’e mak Sekretaria Estadu Igualidade no Inkluzaun hato’o nia papel servisu sira ba Sua Eminência bazeia ba Dekretu-Lei nú. 17/2019, loron 11 fulan Jullu Lei Orgánika SEII.

Aliende ne’e, ko’alia mós kona ba kazu insestu ne’ebé númeru kontinua aumenta kada loron, kada fulan iha Timor-Leste.

Entretantu, sorumutu ne’e mós atu iha koperasaun no apoiu ba kriminaliza kazu insestu iha kodigu penal.

Ho nune’e, Igreja mós iha hanoin atu la taka dalan ba labarik sira ne’ebé atu simu sakramentu Baptismo maibé inan-aman mak tenki iha responsabilidade ba oan sira.

Enkuantu, Igreja mós iha ona dokumentus ba protesaun ba minores vulneravel sira, ne’ebé hetan ona aprovasaun husi Vaticano.

Rate this item

(0 votes)