SEI dehan, Governu Japaun liu husi nia Embaixadór iha TL sai hanesan parseiru dezenvolvimentu importante ba Timor-Leste, ba apoia ne'ebé durante ne'e sira fó liliu ba iha empoderamentu feto ne’e barak ona.
“Vizita ida ohin hanesan, enkontru kortezia maibé ho nia objetivu ida deit hodi hatene no esplora koperasaun saida mak bele iha entre Governu Japaun ho SEI bele hare iha futuru,” dehan Sekretaria iha Salaun Enkntru Gabinete SEI Kaikoli, Segunda (18/07).
SEI hatutan, parseiru dezenvolvimentu ne’e importante tebes, liu husi diskusaun sira hanesan ne’e importante atu hare meius saida no programa ne’ebé mak iha hodi bele ajuda.
Iha fatin hanesan, Embaxadórr Japaun iha TL, Tetsuya Kimura explika, Governu Japaun ho Governu TL durante kria koperasaun hodi servisu hamutuk iha área oioin hanesan, saúde, edukasaun, agrikultura, infrastrutura inklui mós apoiu governu TL hodi promove igualdade iha nasaun nen’e.
“Durante ne'e, povu Japaun servisu hamutuk ho governu TL hodi hare ba dezenvolvimentu oioin iha nasaun ne'e, nafatin iha komitmentu hodi apoiu dezenvolvimentu iha nasaun ida ne'e,” nia hakotu.
