Sekretária Estadu Igualdade (SEI), Elvina de Sousa Carvalho hatete, nu’udár autoridade lokál iha knaar importante atu fasilita no transmite informasaun sira bá mudansa iha komunidade.

Nia dehan, xefe suku mak tenke hamosu inisiativa bá mudansa pozitivu sira ne’ebé valoriza feto no labarik feto, respeita mane no ema hotu-hotu hodi fó oportunidade hanesan iha suku laran.

“Ida-ne’e mak SEI hanaran ita bo’ot sira kampiaun bá igualdade jéneru. Ema ne’ebé sai kampiaun bá igualdade jéneru sei dedika an atu inisia atividade sira hodi harahun barreira ne’ebé teri-netik feto sira nia oportunidade,” dehan SEI iha salaun OKA Osindo I, Kinta (18/07).

Governante ne’e hatutan, ema ne’ebé sai kampiaun sei dedika aan hodi inisia atividade sira hodi harahun bareira ne’ebé satan netik feto sira nia oportunidade.

“Ema ne’ebé sai kampiaun ba igualidade jéneru sei dedika aan atu inisia atividade sira hodi haraun bareira ne’ebé teri netik feto sira nia oportunidade dezafia estero tipo jéneru no kriainisiatuvu ba hasa;e partisipasaun iha politika no hakbiit ekonomia feto rural,” katak.Sekretaria Estadu

Reprezenta Ministru Administrasaun Estatál, atuál SEATOU Germano Santa Brites Dias hatete, forum diálogu ne’e ho objetivu ida atu inspira xefe suku sira, hodi kria inisiativa oioin ba promosaun igualidade jéneru no prevensaun violénsia bazeia ba jéneru.

“Inspira xefe suku sira atu kria inisiativa oioin ba promosaun igualidade jéneru no inisiativa prevensaun violénsia bazeia ba jéneru sira iha suku enkoraza hakbiit partisipasaun feto iha ekonomia suku nian,” dehan SEATOU.

Fórum diálogu ne’e mós atu rekoñese kontribuisaun autoridade lokál sira iha komunidade nia leet, knaar importante ne’ebé iha hatuur ona iha Lei suku númeru 9/2016, númeru 23 kona-bá kompeténsia xefe suku nian atu kria mekanizmu prevensaun violénsia doméstika no kria inisiativu protesaun no akompaña vítima sira.

Entertantu, xefe suku sira ne’ebé partisipa iha forum dialogu ne’e hamutuk na’in 452 ne’ebé mai husi suku sira iha teritoriu Timor-Leste.