Sekretária  Estadu no Igualidade, Elvina Sousa no Igualidade hatete, SEI papél importante iha enpoderamentu feto ba  iha área polítika, servisu ne'ebe mak halo ona iha eleisaun Xefe suku no  eleisaun parlamentár ne'ebe  liu ona ho  aktividade lubuk.

“Ida hanesan informasaun aktividade kolokiu ka aktividade  workshop sira-ne'ebe mak ho nia finalidade atu bele enkoraza feto maluk sira atu partisipa iha vida politika,”  Dehan Sekretária  Estadu no Igualidade, Elvina ba Joranalista sira, iha Salaun Tower Fatuhada, Kinta (07/02).

Nia dehan, maibe bainhira  ka’olia kona-ba  munisipal nian, preparasaun fato ba podér lokál ni’an, hanoin SEI preparadu ona, hanesan babain papel importante SEI kontinua nafatin akompaña, kontinua empodera no kontinua apoiu feto sira atu bele partisipativu iha vida politika no mos sai lideransa hodi kaer poder lokal iha futuru.

“Lei ba eleisaun  poder lokal iha tiha ona no lei ba assembleia, eleisaun munisipal iha ona, ne'ebe feto maluk  sira tenki prepara aan liu-liu iha partidu politiku sira iha nia rekrutamentu, feto malu sira kaer pasta atu prepara sira ba  futuru mai bele sai deputadas no assembleia munisipal ni’an no mos prepara feto maluk sira asume responsabilidade iha poder lokal nian,”  Nia informa.

Purezemplu hanesan sekretariu munisipiu nian atu hatete deit katak agora dadaun iha nomeiasaun ba Prezidente Autoridade hare katak iha Prezidente Autoridade Munisípiu nain-rua ne'ebe mak feto no hetan positivu tebes.

Aliende ida-ne’e iha mos kolega lubuk ida hetan nomeiasaun ba iha Sekretaria munisipiu no  sai hanesa Administradora Postu ida-ne'e passu ida importante loos atu bele hakat ba oin.

“Atu hatete deit  ba Feto iha pontesialidade tomak atu bele partisipativu dezenvolvimentu partisipativu ativu iha  ekonomia, partisipativu ativu iha politika bainhira iha oportunidade, bainhira iha preparasaun ne'ebe diak sira sei servi feto maluk  sira diak liu tan,” Nia haktuir.

Nia fundamenta, tanba ne'e mak SEI komprementidu nafatin fo apoiu ba feto malul sira no akompaña feto maluk sira atu bele hakat ba eleisaun kamara munisipal nian.